ट्रम्पको ट्यारिफमाथि रोक लगाउने अमेरिकी अदालतको निर्णय

काठमाण्डौ । ट्रम्पको आर्थिक नीतिमाथि अमेरिकी संघीय अदालतले महत्वपूर्ण निर्णय गरेको छ । संघीय अदालतले राष्ट्रपति डोनाल्ड ट्रम्पको व्यापक करवृद्धिमा प्रतिबन्ध लगाउने निर्णय गरेको छ ।

कोर्ट अफ इन्टरनेशनल ट्रेडले ट्रम्पलाई विश्वका प्रत्येक देशमाथि कर लगाउने एकतर्फी अधिकार नदिने निर्णय गरेको छ। अदालतले अमेरिकी संविधानले कांग्रेसलाई अन्य देशसँगको व्यापारमा विशेष अधिकार दिएको र अर्थतन्त्रको रक्षा गर्ने राष्ट्रपतिको जिम्मेवारीलाई अतिक्रमण गर्न नसकिने बताएको छ।