काठमाण्डौ । नेपाल आयल निगमले पेट्रोलियम पदार्थको मूल्य वृद्धि गरेको छ । निगमले शनिबार मध्यरातदेखि लागू हुने गरी डिजेल, मट्टितेल र पेट्रोलको मूल्य बढाएको हो ।
निगमले डिजेल, मट्टितेलको मूल्य प्रतिलिटर १ रुपैयाँ र पेट्रोलको २ रुपैयाँले बढाएको हो ।
यससँगै पहिलो वर्गको पेट्रोलको मूल्य प्रतिलिटर १५६.५० रुपैयाँ, दोस्रो वर्ग १५८ रुपैयाँ र तेस्रो वर्गको १५९ रुपैयाँ कायम भएको छ । यस्तै डिजेल र मट्टितेलको पहिलो, दोस्रो र तेस्रो वर्गको क्रमशः प्रतिलिटर १४०.५० रुपैयाँ , १४२ रुपैयाँ र १४३ रुपैयाँ तोकिएको छ ।
निगमले हवाई इन्धनको मूल्य भने घटाएको छ । हवाई इन्धन (आन्तरिक)तर्फ प्रतिलिर ३ रुपैयाँ र अन्तरराष्ट्रियतर्फ २२ अमेरिकी डलरले घटाइएको निगमले जनाएको छ ।