(1).gif)
(2).gif)
.jpg)
(1).gif)
.png)
काठमाण्डौ । भारतको टाटा समूहले अहमदाबाद विमान दुर्घटनामा परी ज्यान गुमाएका परिवारका लागि ट्रस्ट बनाउने भएको छ । भर्खरै अहमदाबादमा एयर इन्डियाको विमान दुर्घटना भएको थियो । यो देशमा विगत १० वर्षमा भएको सबैभन्दा ठूलो दुर्घटना हो ।
टाटा समूहको होल्डिङ कम्पनी टाटा सन्सको एयर इन्डियामा लगभग ७४ प्रतिशत सेयर छ। यस ट्रस्टका लागि कम्पनीले ५०० करोड भारु दिनेछ । यस ट्रस्टको नाम एआई१७१ ट्रस्ट हुनेछ।
.gif)
.gif)
यस्तै टाटा सन्सको सबैभन्दा ठूलो सेयरधारक टाटा ट्रस्टले पनि एआई१७१ ट्रस्टका लागि ५ सय करोड भारु दिने जनाइएको छ । यस दुर्घटनामा २५० भन्दा बढीले ज्यान गुमाएका थिए । मृत्यु हुनेमा २४१ यात्रु थिए। यसबाहेक विमानमा सवारबाहेक १९ जनाको पनि मृत्यु भएको थियो । टाटा सन्स र एयर इन्डियाले मृतकका परिवारलाई १.२५ करोड भारु आर्थिक सहयोग गर्ने घोषणा गरिसकेका छन् ।
टाटा सन्स बाहेक, सिंगापुर एयरलाइन्सको एयर इन्डियामा लगभग २५ प्रतिशत हिस्सेदारी छ भने कर्मचारीहरूको ट्रस्टको बाँकी १ प्रतिशत छ। बिहीबार टाटा सन्सको बोर्डले यस ट्रस्टको प्रस्तावलाई अनुमोदन गरेको जनाइएको छ । अब कानुनी प्रक्रिया अगाडि बढाइनेछ ।
यसमा सार्वजनिक परोपकारी ट्रस्टको दर्ता र ट्रस्टीहरूको बोर्ड गठन समावेश छ। टाटा सन्सका अध्यक्ष एन चन्द्रशेखरनले एआई१७१ ट्रस्टको नेतृत्व गर्ने विश्वास गरिएको छ । यस ट्रस्टमा टाटा समूह बाहिरका मानिसहरूलाई पनि समावेश गरिनेछ।
.png)
.png)
.jpg)
