शुक्रबार, चैत्र २२,२०८१ 03:33:22
IME remit
  • शुक्रबार, चैत्र २२,२०८१ 03:33:22
IME remit
Global IME Bank Limited

गौतम र न्यौपानेसहित १० बैंकर अझै थुनामै रहने, तेश्रोपटक म्याद थप

Hyundai Nepal
गौतम र न्यौपानेसहित १० बैंकर अझै थुनामै रहने, तेश्रोपटक म्याद थप
Nabil Bank Limited

काठमाण्डौ । सर्वसाधारणको अरबौं निक्षेप अपचलन गरेका देउराली सहकारीका अध्यक्ष रविन्द्र चौलागाईंलाई धितो मूल्याङ्कनभन्दा बढी लोन दिएको आरोपमा पक्राउ परेका तत्कालीन सेञ्चुरी बैंकका सीइओद्वय लगायतका कर्मचारीहरुलाई थप ५ दिन थुनामा राख्न उच्च अदालतले पाटनले अनुमति दिएको छ ।  

फागुन १५ गते राजधानीका विभिन्न स्थानबाट तत्कालीन सेञ्चुरी बैंकका सीइओद्वय तुल्सीराम गौतम र मनोज न्यौपानेसहित १० बैंकरलाई प्रहरीको विशेष अनुसन्धान ब्यूरोले पक्राउ गरेको थियो ।

Shivam Cement
Bizshala
CG Motors

पक्राउ परेका उनीहरुलाई सीआइबीले म्याद थप गर्दै थुनामा राखी अनुसन्धान गरिरहेको छ । मंगलबार तेश्रोपटक म्याद थप गरिएको हो ।  

देउराली सहकारीका अध्यक्ष चौलागाईंलाई पक्राउ गरी उनले चलाएको ठगीधन्दाको विगत ६ महिनादेखि अनुसन्धान गरिरहेको प्रहरीले त्यसमा कनेक्सन देखिएको भन्दै बंैकरहरुलाई पनि पक्राउ गरेको हो ।  

धितो कम मूल्यको रहेकै आधारमा बैंकरलाई पक्राउ गरी बैंकिङ क्षेत्रमा राज्यकै निकायबाट आतङ्क सिर्जना भएको भन्दै यो कदमको विरोध भए पनि सरकारले सुनेको छैन । बरु अनुसन्धानका लागि समय अझै अपुग भएको भन्दै म्याद थप गर्दै बैंकरहरुलाई थुनामै राखिएको छ ।  

यही सिलसिलामा तेश्रोपटक बैंकरहरुलाई थुनामा राख्ने म्याद थपको प्रहरीले अनुमति पाएको हो ।

उच्च अदालत पाटनका प्रवक्ता तीथ्रराज भट्टराईले पक्राउ परेका बैंकरहरुलाई ५ दिन थप थुनामा राख्न प्रहरीलाई अनुमति दिइएको प्रष्ट पारे ।  

गौतम र न्यौपानेसहित तत्काली सेञ्चुरी बैंकका कर्मचारी राजेश भण्डारी, दिलिप बराल, सुवासबहादुर श्रेष्ठ, अनुपमा श्रेष्ठ मानन्धर, सविन घिमिरे, रमन श्रेष्ठ, दिपेश प्रधान, र सुनिल बस्नेत पनि थुनामै छन् ।  

सेञ्चुरी बैंकमा रहँदा दुई अर्ब ११ करोड ६५ लाख ५५ हजार रुपैयाँ बराबरको कर्जा प्रवाह गर्दा अनियमितता गरेको आरोप उनीहरुलाई लागेको छ ।  प्रहरीले धितोभन्दा ९७ करोड ४१ लाख ७० हजार ७ सय ७२ रुपैयाँ बढी कर्जा प्रवाह भएको र यो अनियमित देखिएको दाबी गर्दै आएको छ ।  

बैंकिङ कसुर तथा सजाय ऐन, २०६४ बमोजिम उनीहरुमाथि पक्राउ परेपछि ६० दिनसम्म थुनामा राखेर प्रहरीले अनुसन्धान गर्न सक्छ । यही अधिकार प्रयोग गरी म्याद थप भइरहेको देखिएको छ ।  

यसैबीच, सीआइबीले गरिरहेको अनुसन्धानमा सहयोग गर्न भन्दै राष्ट्रबैंकले पनि एक टोली खटाएको छ । बैंकिङको टेक्निकल विषयमा जानकार केन्द्रीय बैंकका अनुसन्धान अधिकृतहरु समेत सीआइबीले जारी राखेको अनुसन्धानमा जोडिएपछि यो मुद्दा चाँडै किनारा लाग्ने देखिएको छ ।  

Laxmi Sunrise Bank Limited
Sagarmatha Cement
Muktinath Bikas Bank Limited
Nepal Investment Mega Bank Limited
Shivam Cement
New Office
Bizshala
Shikhar Insurance
Bizshala

हाम्रो बारेमा

Bizshala.com, operated by SOS Media Pvt. Ltd., stands as Nepal's premier financial news portal. With a keen focus on the economy, capital markets, real estate, banking and financial institutions, merchant banking, investment tools, insurance, tourism, the automotive industry, and beyond, it delivers fresh, in-depth, and investigative reporting. Since its inception, Bizshala has rapidly emerged as the nation's leading economic news platform, driven by a team of seasoned and accomplished financial journalists. Committed to delivering investigative, accurate, and innovative content, Bizshala approaches every story through a distinct economic lens, catering to the interests and curiosities of its readers.