(1).gif)
(2).gif)
(1).gif)
.png)
काठमाण्डौ । आम्दानी घटेपनि सिक्लेस हाईड्रोपावर लिमिटेडको नाफा बढेको छ । कम्पनीले वित्त खर्चमा कटौती गर्दै नाफा बढाएको हो ।
कम्पनीले गत आवको चौथो त्रैमाससम्म ७ करोड ७४ लाख रुपैयाँ खुद नाफा आर्जन गरेको छ । यो रकम अघिल्लो आवको तुलनामा ६३.२६ प्रतिशतले बढी हो । अघिल्लो आवको चौथो त्रैमाससम्म कम्पनीले ४ करोड ७४ लाख रुपैयाँ खुद नाफा आर्जन गरेको थियो ।
.gif)
.gif)
कम्पनीको कुल आम्दानी घटेको छ । कम्पनीले चौथो त्रैमासको अन्त्यसम्म ३० करोड ३० लाख रुपैयाँबराबरको कुल आम्दानी गरेको छ । अघिल्लो आवमा भने कम्पनीको कुल आम्दानी ३० करोड ८१ लाख रुपैयाँ रहेको थियो ।
त्यस्तै कम्पनीको कुल सञ्चालन खर्च ६ करोड ३२ लाख र कुल गैर सञ्चालन खर्च १६ करोड २२ लाख रुपैयाँ रहेको छ । कम्पनीले वित्त खर्च भने घटाएको छ । अघिल्लो आवमा १२ करोड १३ लाख रुपैयाँ रहेको कम्पनीको वित्त खर्च घटेर ७ करोड ७३ लाखमा सीमित बनेको छ । कम्पनीको रिजर्भको आकार ६ करोड ८० लाखबाट बढेर १३ करोड ४६ लाख रुपैयाँ पुगेको छ ।
कम्पनीको प्रतिसेयर आम्दानी(इपीएस)९.१२ रुपैयाँ, मूल्य आम्दानी अनुपात ९४.३८ गुणा र प्रतिसेयर नेटवर्थ ११५.८४ रुपैयाँ कायम भएको छ ।
.png)
(1).jpg)
.jpg)
.jpg)
.png)
