एशियन लाइफको अवितरित हकप्रद सेयरमा आवेदन दिने म्याद थप

काठमाण्डौ । एशियन लाइफ इन्स्योरेन्स कम्पनी लिमिटेडले लिलामीमा राखिएको अवितरित हकप्रद सेयर बोलकबोल आवेदन पेश गर्ने म्याद थप गरेको छ । कम्पनीले गत असार २५ गतेदेखि साउन २० गतेसम्म १ः०.४० अनुपातमा निष्कासन गरेको हकप्रदमा आवेदन नपरेको ३ लाख ५८ हजार ५१२.४८ कित्ता सेयर गत भदौ २२ गतेदेखि लिलामीमातर्फ बिक्रीमा राखेको छ ।  

यो सेयर खरिदका लागि भदौ २९ गतेसम्म आवेदन दिन सकिने जनाइएको थियो । तर अब भने सेयर खरिदका लागि असोज ५ गतेसम्म आवेदन दिन सकिने भएको छ ।  

कुल सेयर संख्यामा संस्थापक समूहतर्फ ३० हजार ३८.५७ कित्ता र सर्वसाधारणतर्फ ३ लाख २८ हजार ४७३.९१ कित्ता रहेको छ ।  

यो सेयर खरिदका लागि जो सुकै व्यक्ति,कम्पनी वा संघ संस्थाहरुले आवेदन दिन सक्नेछन् । सेयरको न्यूनतम मूल्य १०० रुपैयाँ तोकिएको छ । बोलकबोल पेश गर्दा न्यूनतम १ हजार कित्ता र अधिकतममा सम्पूर्ण कित्ताका लागि खरिद आवेदन पेश गर्न सकिने कम्पनीले जनाएको छ ।  

लगानीकर्ताले मुक्तिनाथ क्यापिटलको नक्सालस्थित कार्यालय, र मुक्तिनाथ विकास बैंकको शाखा कार्यालयहरु ठिमी, कुमारीपाटी, बिर्तामोड, विराटनगर, विरगञ्ज,जनकपुर, हेटौडा, नारायाणगढ, पोखरा,बाग्लुङ, बुटवल, दाङ, नेपालगञ्ज,धनगढी र महेन्द्रनगर शाखा कार्यालयहरुबाट आवेदन पेश गर्न सक्नेछन् ।