नेपाल बैंकका सेयरधनीले यस वर्षपनि लाभांश नपाउने

काठमाण्डौ । नेपाल बैंक लिमिटेडका सेयरधनीहरुले यसवर्ष पनि लाभांश नपाउने भएका छन् । बैंकले गत आवका लागि लाभांश नदिने निर्णय गरेसँगै बैंकका सेयरधनीहरुको हात खाली हुने भएको हो ।

पुस ३ गते बसेको बैंकको सञ्चालक समितिको बैठकले सेयरधनीहरुलाई लाभांश वितरणको प्रस्ताव नगर्ने निर्णय गरेको थियो ।

बैठकले आर्थिक वर्ष २०८१/८२ को लेखापरीक्षण भएको वित्तीय विवरण पारित गरी साधारण सभामा पेश गर्न स्वीकृतिका लागि नेपाल राष्ट्र बैंक समक्ष पेश गर्ने साथै लाभांश वितरणको प्रस्ताव नगर्ने निर्णय गरेको बैंकद्वारा जारी सूचनामा उल्लेख छ ।

बैंकले आव २०८०/८१ का लागि पनि लाभांश दिएको थिएन ।