रौतहट ४ मा पनि रास्वपाकै अग्रता

रौतहट । रौतहट निर्वाचन क्षेत्र नम्बर ४ मा मतगणनाको प्रारम्भिक नतिजामा राष्ट्रिय स्वतन्त्र पार्टी (रास्वपा) का उम्मेदवार गणेश पौडेलले अग्रता कायम गरेका छन्।

चन्द्रनिगाहपुरस्थित निर्वाचन अधिकृतको कार्यालयका अनुसार हालसम्म गणना गरिएको ७७४ मतमध्ये पौडेलले ४४३ मत प्राप्त गर्दै सबैभन्दा अघि छन्।

त्यसैगरी, नेपाल कम्युनिस्ट पार्टीका उम्मेदवार रामकुमार भट्टराईले १५३ मत पाएका छन् भने नेपाली कांग्रेसका देवप्रसाद तिमल्सिनाले ९४ मत प्राप्त गरेका छन्। नेकपा एमालेका उम्मेदवार रामजी साहले २१ मत पाएका छन्।

प्रारम्भिक गणनामा ७७४ मतमध्ये ४४ मत बदर भएको निर्वाचन अधिकृतको कार्यालयले जनाएको छ। यस निर्वाचन क्षेत्रमा कुल ७३ हजार ३९७ मत खसेको थियो।