समानुपातिकको ताजा अपडेट: ५९% बढी मतसहित रास्वपा अगाडि, एमाले राप्रपाभन्दा पछाडि

काठमाण्डौ । राष्ट्रिय स्वतन्त्र पार्टीले समानुपातिक तर्फ पनि उत्साहजनक मतसहित अग्रता लिइरहेको देखिएको छ ।  

निर्वाचन आयोगले केहीबेरअघि दिएको ताजा अपडेटअनुसार समानुपातिकतर्फ हालसम्म २८ हजार ३४० मत गणना हुँदा रास्वपाले १६ हजार ७२६ मत प्राप्त गरेको छ । यो भनेको ५९ प्रतिशतभन्दा बढी हो । 

नेपाली कांग्रेसले ४ हजार ९८७ ले मत प्राप्त गरेको छ भने तेश्रो स्थानमा राप्रपा देखिएको छ । राप्रपाले २ हजार ५३६ मत प्राप्त गरेको छ ।  

एमाले समानुपातिकमा राप्रपाभन्दा पनि पछाडि देखिएको छ । एमालेको हालसम्मको समानुपातिक मत १ हजार ८०० मात्र देखिएको छ ।  

श्रम संस्कृति पार्टी नेकपाभन्दा अगाडि देखिएको छ ।