(2).gif)
.png)
अछाम निर्वाचन क्षेत्र नम्बर २ को प्रारम्भिक मतगणनामा काठमाडौं महानगरपालिकाका मेयर बालेन शाहका स्वकीय सचिव रहिसकेका भूपदेव शाह तेस्रो स्थानमा देखिएका छन्। राष्ट्रिय स्वतन्त्र पार्टी (रास्वपा) का उम्मेदवारका रूपमा चुनावी मैदानमा रहेका उनले हालसम्म ३५५ मत प्राप्त गरेका छन्।
यस क्षेत्रमा नेकपा एमालेका यज्ञबहादुर बोगटी ७२६ मतसहित अग्रस्थानमा छन् भने नेपाली कांग्रेसका पुष्पदेवबहादुर साह ४३३ मतसहित दोस्रो स्थानमा रहेका छन्। प्रारम्भिक गणनामा शाह उनीहरूभन्दा पछाडि पर्दै तेस्रो स्थानमा देखिएका हुन्।
काठमाडौं महानगरपालिकाका मेयर बालेन शाहको सचिवालयमा कार्यरत रहेर काम गरिसकेका भूपदेवलाई रास्वपाले अछाम–२ बाट उम्मेदवार बनाएको हो।
यसैबीच अछाम क्षेत्र नम्बर १ को मतगणनामा भने नेकपाका भीम रावलले अग्रता लिएका छन्। उनले २ हजार ४३४ मत प्राप्त गरेका छन्। एमालेका दीपकबहादुर साउंद २ हजार ११७ मतसहित दोस्रो स्थानमा छन् भने नेपाली कांग्रेसका भरतकुमार स्वारले १ हजार ७६४ मत प्राप्त गरेका छन्।
.png)
.png)
.jpg)
.jpg)
