गगन डेञ्जर जोनमा, अमरेशले मतान्तर बढाउन थाले

सर्लाही । प्रतिनिधिसभा निर्वाचन २०८२ अन्तर्गत सर्लाही क्षेत्र नम्बर ४ मा राष्ट्रिय स्वतन्त्र पार्टी (रास्वपा) का उम्मेदवार अमरेश सिंहले निरन्तर अग्रता कायम गरेका छन्।

निर्वाचन आयोगले सार्वजनिक गरेको पछिल्लो अद्यावधिक मतपरिणामअनुसार सिंहले ६ हजार २६४ मत प्राप्त गरेका छन्। उनका प्रमुख प्रतिस्पर्धी नेपाली कांग्रेसका सभापति गगन थापाले ३ हजार ६७१ मत प्राप्त गरेका छन्।

दुवै उम्मेदवारबीच हाल २ हजार ५९३ मतको अन्तर रहेको छ।

यसै निर्वाचन क्षेत्रमा नेकपा एमालेका उम्मेदवार अनिस यादवले ८९४ मत प्राप्त गरेका छन्। मतगणना जारी रहेकाले अन्तिम परिणाम आउन अझै समय लाग्ने निर्वाचन अधिकारीहरूले बताएका छन्।