एमाले झिनो मतान्तरसहित १४ क्षेत्रमा अगाडि, अन्तिमसम्ममा उल्टिनसक्छ खेल

काठमाण्डौ । देशभर रास्वपाको लहर चलेको समयमा प्रत्यक्षतर्फ हालसम्म एमालेले १४ वटा निर्वाचन क्षेत्रमा अग्रता लिएको छ । तर, अग्रता लिएकामध्ये ९ वटा क्षेत्रमा निकटतम प्रतिस्पर्धीभन्दा एमाले उम्मेद्वारको मतान्तर निकै झिनो देखिएकोले परिणममा उलटफेर हुनसक्ने सम्भावना देखिएको छ । 

अग्रता लिएकामध्ये अधिकांशमा देखिएको झिनो मतान्तरलाई तोड्दै निकटतम प्रतिस्पर्धी अगाडि बढे भने एमालेलाई अझ ठूलो झट्का लाग्नसक्ने सम्भावना देखिन्छ ।  

हाल एमालेका उम्मेद्वारहरु अगाडि रहेका १४ क्षेत्रमध्ये १० वटामा निकटतम प्रतिस्पर्धी कांग्रेसका उम्मेद्वार छन् । तीनवटा क्षेत्रमा रास्वपाले एमालेलाई पछ्याइरहेको छ भने एउटा क्षेत्रमा नेकपाले पछ्याइरहेको छ ।  

रास्वपाले पछ्याएका तीन क्षेत्रमध्ये २ क्षेत्रको मतान्तर अत्यन्त झिनो छ । देशव्यापी रुपमा चलेको लहरको अवस्था हेर्दा ती २ क्षेत्रमा जुनसुकै बेला रास्वपाले लिड लिनसक्ने देखिन्छ ।  

नेकपा उम्मेद्वारले पछ्याइरहेको एक क्षेत्रमा समेत एमाले जुनसुकै बेला पछाडि पर्नसक्ने अवस्था देखिन्छ ।  

टेबलमा हेर्नुहोस् एमालेले अग्रता लिएका क्षेत्र र त्यहाँका निकटतम प्रतिस्पर्धीले ल्याएको शुक्रबार राति ११ः३० सम्मको मतपरिणामको सूचि 

S.N.	उम्मेदवार	उमेर/लिङ्ग	क्षेत्र	प्राप्त मत	निकटतम प्रतिद्वन्द्वी	दल	प्रतिद्वन्द्वी मत
1	मोहम्मद इश्तियाक राई	पुरुष, ४६ वर्ष	बाँके–२	14,060 (अग्रता)	विवेककुमार श्रेष्ठ	राष्ट्रिय स्वतन्त्र पार्टी	10,599
2	गोकर्णराज विष्ट	पुरुष, ६० वर्ष	गुल्मी–२	8,383 (अग्रता)	भुवनप्रसाद श्रेष्ठ	नेपाली कांग्रेस	7,853
3	डम्बरबहादुर सिंह	पुरुष, ६१ वर्ष	जाजरकोट–१	6,253 (अग्रता)	खड्कबहादुर बुढा	नेपाली कांग्रेस	6,164
4	नारायणप्रसाद आचार्य	पुरुष, ५६ वर्ष	पाल्पा–१	5,767 (अग्रता)	सन्दीप राना	नेपाली कांग्रेस	4,942
5	ऐनबहादुर महर	पुरुष, ४१ वर्ष	बझाङ–१	5,045 (अग्रता)	प्रकाश रसाइली स्नेही	नेपाली कांग्रेस	4,769
6	दीपकबहादुर धामी	पुरुष, ३२ वर्ष	डोटी–१	4,876 (अग्रता)	भरतबहादुर खड्का	नेपाली कांग्रेस	3,908
7	प्रदीपकुमार कटुवाल क्षेत्री (केसी)	पुरुष, ६३ वर्ष	सिन्धुली–१	4,401 (अग्रता)	उज्ज्वलप्रसाद बराल	नेपाली कांग्रेस	3,409
8	लक्ष्मीप्रसाद पोखरेल	पुरुष, ६३ वर्ष	दैलेख–२	2,477 (अग्रता)	दिक्पालकुमार शाही	नेपाली कांग्रेस	2,002
9	अस्मिता थापा	महिला, ३० वर्ष	ओखलढुंगा–१	2,332 (अग्रता)	विश्वराज पोखरेल	राष्ट्रिय स्वतन्त्र पार्टी	1,550
10	खिमबहादुर थापा	पुरुष, ५७ वर्ष	स्याङ्जा–२	2,043 (अग्रता)	भागवतप्रकाश मल्ल	नेपाली कांग्रेस	1,510
11	यज्ञबहादुर बोगटी	पुरुष, ५० वर्ष	अछाम–२	1,539 (अग्रता)	पुष्पबहादुर शाह	नेपाली कांग्रेस	1,059
12	सूर्यबहादुर थापा	पुरुष, ५८ वर्ष	कैलाली–२	1,288 (अग्रता)	केपी खनाल	राष्ट्रिय स्वतन्त्र पार्टी	1,229
13	गणेश सिंह ठगुन्ना	पुरुष, ५७ वर्ष	दार्चुला–१	683 (अग्रता)	धर्मानन्द जोशी	नेपाली कांग्रेस	667
14	रामचन्द्र मण्डल	पुरुष, ५२ वर्ष	धनुषा–१	665 (अग्रता)	मातृकाप्रसाद यादव	नेपाली कम्युनिस्ट पार्टी	620