(2).gif)
.jpg)
.png)
काठमाण्डौ । रास्वपाका सभापति रवि लामिछानेले निर्वाचनअघि नै भावी अर्थमन्त्रीको रुपमा प्रस्तुत भएका डा. स्वर्णिम वाग्लेले प्रतिनिधिसभा सदस्य निर्वाचनमा शानदार जित हासिल गरेका छन् ।
वाग्लेले तनहुँ क्षेत्रनम्बर १ बाट फराकिलो मतान्तरसहित शानदार जित हासिल गरेका हुन् ।
चुनावअघिको काठमाण्डौमा आयोजित एक कार्यक्रममा रास्वपा सभापति रवि लामिछानेले पार्टीको उपसभापति समेत रहेका डा. वाग्लेलाई भावी अर्थमन्त्रीको रुपमा प्रस्तुत गर्दै बजेटको तयारी सुरु गर्न भनेका थिए ।
यसरी भावी अर्थमन्त्रीको रुपमा प्रस्तुत गरिएका डा. वाग्लेले ३८ हजार ४० मतसहित जित निकालेका हुन् । उनले कांग्रेसका गोविन्द भट्टराईलाई २१ हजार ८०९ मतान्तरसहित पराजित गरेका छन् । भट्टराईको १६ हजार २३१ मत मात्रै रह्यो ।
यो क्षेत्रमा एमाले उम्मेद्वार भगवती न्यौपाने भने ५ हजार ८३० मतमा खुम्चिएकी छिन् ।
.png)
.png)
.jpg)
.jpg)
