समानुपातिकको मत: रास्वपा घट्दो लयमा, श्रम संस्कृतिलाई थ्रेसहोल्ड कटाउन सकस

काठमाण्डौ । राष्ट्रिय स्वतन्त्र पार्टीले समानुपातिकतर्फको मतगणनामा ५३ प्रतिशत हाराहारीको मतसहित लगातार अग्रता लिइरहेको छ । रास्वपाको मत समानुपातिकको प्रारम्भिक गणनाभन्दा क्रमशः घट्दो क्रममा देखिएको छ । सुरुमा ६२ प्रतिशतको रेञ्जमा रहेको मत विभिन्न क्षेत्रबाट थपिँदै गर्दा घटेर ५३ प्रतिशत हाराहारी पुगेको हो ।  

समानुपातिकतर्फ ११० सिट रहेको छ ।  

निर्वाचन आयोगका अनुसार शनिवार साँझ ६ बजेसम्म कुल ५ लाख १७ हजार २०५ मत गणना भएकोमा रास्वपाले २ लाख ७५ हजार ५५८ मत प्राप्त गरेको छ ।  

दोश्रो स्थानमा रहेको कांग्रेसले ८४ हजार ७१७(१६ प्रतिशत)मत प्राप्त गरेको छ ।  

तेश्रोमा रहेको एमालेले ६८ हजार ५४८(१३ प्रतिशत) मत प्राप्त गरेको छ ।  २८ हजार ७८७ मतसहित नेकपा चौथा(े(५.५ प्रतिशत) र २१ हजार ५१३(४ प्रतिशत)मतसहित राप्रपा पाँचौ स्थानमा छ ।  

श्रम संस्कृति पार्टी ११ हजार १७३ सहित छैठौं स्थानमा छ । श्रम संस्कृति पार्टीको ३ प्रतिशतको थ्रेसहोल्ड कट्न नसकेको देखिन्छ । अन्तिम मतगणनासम्म यो संख्या तथा प्रतिशत तलमाथि हुनेछ ।