(1).gif)
(2).gif)
.png)
काठमाण्डौ । यो पटकको संसदीय निर्वाचनको माहौल सुरु भएदेखि नै पत्रकार ऋषि धमला चर्चाको केन्द्रमा थिए । अन्य समयमा पनि नेताहरुलाई प्रश्न सोध्ने शैली लगायतका कारण उनी चर्चामै रहिरहन्थे । तर, यसपटक उनी आफैं पत्रकारिता छाडेर राजनीति गर्ने भन्दै रौतहटमा पुगेर प्रतिनिधिसभा सदस्य निर्वाचनमा उम्मेद्वारी दिएका थिए । उम्मेद्वारीपछि उनले मत माग्ने क्रममा प्रदर्शन गरेको शैली त झनै भाइरल नै भएको थियो । अनौठो र फरक शैलीले मतदाताको घरखेत, पसल पुगेर मत मागेका उनले राम्रै मत ल्याउने धेरैको आँकलन थियो । तर, मतदाताको रोजाई भने फरक देखियो ।
.gif)
(1).gif)
रौतहट निर्वाचन क्षेत्र नम्बर ४ बाट आम जनता पार्टीबाट उम्मेद्वारी दिएका धमलाले मतगणनाका क्रममा अत्यन्त न्यून मत पाए ।
सो क्षेत्रबाट रास्वपा उम्मेद्वार गणेश पौडेल ३६ हजार ८७६ मतसहित विजयी हुँदा ऋषि धमलाले भने ६५५ मतमै चित्त बुझाउनुपर्यो ।
सो क्षेत्रबाट नेपाली कांग्रेसका उम्मेद्वार देवप्रसाद तिमल्सिनाले १५ हजार ८६५ मत पाए ।
मतदाताको न्यून समर्थन पाए पनि ऋषि धमलाले अब आफू पत्रकारितामा नफर्किने घोषणा गरेका छन् । उनी रौतहटका जनताको दुःखसुखमा साथ दिएर अगाडि बढ्ने र अब सामाजिक सेवामा बढी सक्रिय हुने बताएका छन् ।
.gif)
(1).gif)
(2).gif)
.png)
.gif)
.jpg)
.jpg)
.jpg)
.jpg)
.png)
(1).gif)
