मुकेश अम्बानीले इन्डियाको सबैभन्दा ठूलो आइपीओ ल्याउने, ड्राफ्ट दर्ता गर्ने तयारी

काठमाण्डौ । भारतका सबैभन्दा धनाढ्य व्यवसायी मुकेश अम्बानीले इन्डियाको सबैभन्दा ठूलो आइपीओ ल्याउने तयारी गरेका छन् ।  

रिलायन्स इन्डस्ट्रिजका अध्यक्ष तथा प्रबन्ध निर्देशक अम्बानीले रिलायन्स इन्डस्ट्रिजकै सहायक कम्पनी जियो प्लेटफम्र्स (डिजिटल सेवा कम्पनी)को आइपीओ निष्कासन गर्ने तयारी गरेका हुन् ।  

भारतीय सञ्चारमाध्यमहरुका अनुसार अम्बानीले आइपीओको लागि ड्राफ्ट समेत यसै महिनाभित्र दर्ता गर्न सक्नेछन् । भारतीय मिडिया रिर्पोटका अनुसार जियो प्लेटफम्र्सको मूल्यांकन करिब १७० अर्ब डलर हुन सक्ने बताइएको छ । 

भारतको पूँजीबजार निकाय सेक्युरिटिज एण्ड एक्सचेञ्ज बोर्ड अफ इन्डिया (सेबी)ले ठूला कम्पनीहरुको सूचीकरण सम्बन्धि नियममा पनि हालै परिवर्तन गरेको छ । यसअनुसार जियो प्लेटफम्र्सले कम्तीमा २.५ प्रतिशत हिस्सा सेयर बिक्री गर्न सक्ने अनुमान गरिएको छ ।  

यसबाट कम्पनीले करिब ४.३ अर्ब डलर अर्थात् ४० करोड भारु जुटाउन सक्नेछ । यो करिब दुई दशकपछि रिलायन्स इन्डस्ट्रिजको पहिलो ठूलो आइपीओ हुनेछ ।