प्रतिनिधि सभाको बैठकले उपसभामुख चयन गर्ने, शपथग्रहण पनि आजै

काठमाण्डौ । प्रतिनिधि सभाको बैठकले आज दिउँसो ४ बजे उपसभामुख चयन गर्नेछ । साथै निर्वाचित उपसभामुखको शपथग्रहण कार्यक्रम पनि आजै सम्पन्न हुने भएको छ ।  

राष्ट्रपतिको कार्यालय शीतल निवासका अनुसार आज साँझ ६ बजेका लागि शपथग्रहणको समय तय गरिएको छ ।

उपसभामुख पदका लागि राष्ट्रिय प्रजातन्त्र पार्टी (राप्रपा)की सांसद सरस्वती लामा र श्रम संस्कृति पार्टीकी सांसद रुवीकुमारी ठाकुरबीच प्रतिस्पर्धा हुने भएको छ ।

२७५ सदस्यीय प्रतिनिधि सभामा रास्वपाको एक्लै १८२ मत रहेको छ । उक्त पार्टीले ठाकुरलाई समर्थन गरेकाले उनी निर्वाचित हुने लगभग निश्चित भएको छ ।