लेन मिचेपछि सभामुख डीपी अर्यालको गाडीलाई ट्राफिकले काट्यो चिट

काठमाण्डौ । सभामुख डीपी अर्याल सवार रहेको गाडीलाई ट्राफिक प्रहरीले कारबाहीस्वरूप चिट काटेको छ ।  

थापाथली क्षेत्रको सडकमा ट्राफिक नियम उल्लंघन भएपछि सभामुखको गाडीमाथि कारबाही गरिएको हो । सो क्रममा अगाडि–पछाडि चलिरहेका अन्य दुई सवारीसाधनसहित कुल तीन वटा गाडीलाई चिट काटिएको जनाइएको छ ।

नियम उल्लंघन गर्दै ती गाडीहरू सिंहदरबारसम्म पुगेपछि ट्राफिक प्रहरी त्यहीँ पुगेर चिट जारी गरेको थियो ।

ट्राफिक प्रहरीका अनुसार लेन मिचेर सवारी चलाइएको कारण चिट काटिएको हो । यद्यपि उक्त गाडीमा सभामुख स्वयं सवार थिए वा थिएनन् भन्ने विषयमा प्रहरीले केही खुलाएको छैन ।