इजरायलद्वारा अमेरिकी फाइटर जेट खरिद गर्ने योजनालाई स्वीकृती प्रदान

काठमाण्डौ । इजरायलले अमेरिकी रक्षा तथा एरोस्पेस उत्न्पादन कम्पनी लकहेड मार्टिन र बोइङसँग दुईवटा नयाँ कम्ब्याट स्क्वाड्रोन, एफ–३५ र एफ–१५ आईए खरिद गर्ने योजनालाई अनुमति दिएको छ । इजरायलका रक्षामन्त्रीले आइतबार यसबारे जानकारी दिएका हुन् ।

इजरायलको मन्त्रीस्तरित समितिले अनुमति दिएको उक्त खरिद योजना इजरायलको सैन्य क्षमता अभिवृद्ध गर्ने ११९ बिलियन डलरबराबरको पहिलो चरणअन्तर्गतको योजना हो । नयाँ स्क्वाड्रोनले इजरायलको दिर्घकालिन सैन्य विकास, क्षेत्रिय जोखिम सम्बोधन र इजरायलको रणनीतिक हवाई दबदबा कायम राख्न कोसेढुङ्गा साबित हुने जनाइएको छ ।  

सम्झौताअन्तर्गत इजरायलले लकहेड मार्टिनबाट चौथो एफ–३५ र बोइङबाट दोस्रो एफ–१५आईए फाइटर जेट खरिद गर्नेछ । गत डिसेम्बर महिनामा इजरायलका लागि ८.६ बिलियन डलरबराबरको फाइटर जेट खरिदको ठेक्का दिइएको थियो । यसमा २५ वटा नयाँ एफ–१५आइए र विकल्पमा अन्य २५ वटा थप विमान रहेका छन् ।  

सम्झौताले अन्तिम रुप भने पाईसकेको छैन । अमेरिकार इजरायलले गत फेब्रुअरी २८ मा इरानमाथि हवाई  हमला गरेका थिए । तर गत अप्रिल ८ देखि भने युद्धविराम लागू भएको छ । अमेरिकी नौसेनाले इरानको बन्दरगाहमाथि नाकाबन्दी लगाएको छ ।