इरानले मिसाइल हमला गरेको यूएईको दाबी

काठमाण्डौ । संयुक्त अरब इमिरेट्स (यूएई) को रक्षा मन्त्रालयले इरानतर्फबाट प्रहार गरिएका धेरै मिसाइल र ड्रोनहरू आफ्नो रक्षा प्रणालीले रोकेको दाबी गरेको छ।

मन्त्रालयका अनुसार, यीमध्ये १२ वटा ब्यालिस्टिक मिसाइल, ३ वटा क्रुज मिसाइल र ४ वटा ड्रोन समावेश छन्। ४ मे २०२६ मा भएको उक्त आक्रमणलाई नियन्त्रण गर्ने क्रममा ३ जना घाइते भएका बताइएको छ।

यूएईले हालसम्म इरानबाट प्रहार गरिएका कुल ५४९ ब्यालिस्टिक मिसाइल, २९ क्रुज मिसाइल र २ हजार २६० ड्रोनहरू आफ्नो रक्षा प्रणालीले अवरोध गरिसकेको दाबी गरेको छ।

यस घटनामा हालसम्म २२७ जना घाइते भएका छन्, जसमा विभिन्न देशका नागरिकहरू रहेका छन्। मृत्यु हुनेको संख्या १० पुगेको छ, जसमा पाकिस्तान, नेपाल, बंगलादेश, भारत, इजिप्ट र फलस्तिनका नागरिकहरू समावेश छन्।

यूएईका अनुसार, आक्रमणमा उसका ३ जना सैनिकको पनि ज्यान गएको छ, जसमा एक मोरक्कोका नागरिक रहेका थिए, जो सशस्त्र बलसँग अनुबन्धमा कार्यरत थिए।

रक्षा मन्त्रालयले देशको सुरक्षा, स्थायित्व र राष्ट्रिय हितको रक्षा गर्न आफूहरू पूर्ण रूपमा तयार रहेको र कुनै पनि खतराको डटेर सामना गर्ने बताएको छ।