फिर्ता भएको अध्यादेश फेरि पास, राष्ट्रपति कार्यालयले दियो स्वीकृति

काठमाण्डौं । राष्ट्रपति रामचन्द्र पौडेलले सरकारको सिफारिसअनुसार संवैधानिक परिषद् सम्बन्धी अध्यादेश जारी गरेका छन्।  

मन्त्रिपरिषद्ले सो अध्यादेश पुनः जस्ताकोतस्तै सिफारिस गरेपछि राष्ट्रपति कार्यालयले आज यसलाई स्वीकृति दिएको हो।

यसअघि सरकारले पठाएका आठ अध्यादेशमध्ये सात वटा राष्ट्रपति पौडेलले जारी गरिसकेका थिए।  

तर, संवैधानिक परिषद्सम्बन्धी अध्यादेशलाई भने उनले पुनर्विचार आवश्यक भन्दै फिर्ता पठाएका थिए।

सोही विवादित अध्यादेशलाई सोमबार बसेको मन्त्रिपरिषद बैठकले कुनै परिवर्तन नगरी पुनः सिफारिस गरेपछि अन्ततः राष्ट्रपति पौडेलले आज औपचारिक रूपमा जारी गरेका हुन्।