वित्त खर्च घटेसँगै तेह्रथुम पावरको नाफा २८८% ले बढ्यो, ईपीएसमा पनि उल्लेख्य सुधार

काठमाण्डौ । वित्त खर्च उल्लेख्य घट्दा तेह्रथुम पावर कम्पनी लिमिटेडको मुनाफा बढ्न पुगेको छ । कम्पनीले सार्वजनिक गरेको गत आवको चौथो त्रैमासिक वित्तीय विवरणअनुसार कम्पनीले समीक्षा अवधिसम्म २ करोड ७५ लाख रुपैयाँ मात्रै वित्त खर्च गरेको छ । जबकी अघिल्लो आवको सोही अवधिसम्म भने कम्पनीले ७ करोड २४ लाख रुपैयाँबराबरको वित्त खर्च गरेको थियो ।

वित्त खर्च घटेसँगै कम्पनीको खुद मुनाफा २८८.३८ प्रतिशतले वृद्धि भएको छ । अघिल्लो आवसम्म २ करोड ३० लाख रुपैयाँबराबरको खुद नाफा आर्जन गरेको कम्पनीले समीक्षा अवधिसम्म भने ८ करोड ९३ लाख रुपैयाँबराबरको खुद नाफा कमाएको छ ।

यस्तै कम्पनीको प्रतिसेयर आम्दानी(ईपीएस)पनि ५.७५ रुपैयाँबाट बढेर ११.१७ रुपैयाँ पुगेको छ । कम्पनीको विद्युत बिक्री आम्दानी समेत १५ करोड ४९ लाख रुपैयाँबाट बढेर १८ करोड २६ लाख रुपैयाँ पुगेको छ ।

कम्पनीको प्रशासनिक खर्च ७० लाख ९१ हजार र ह्रासकट्टी खर्च ६ लाख ४२ हजार रहेको छ । कम्पनीकाके रिजर्भ कोषमा २ करोड ९० लाख सञ्चित रहेको छ ।

समीक्षा अवधिसम्म कम्पनीको प्रतिसेयर नेटवर्थ १०३.६४ रुपैयाँ, पीई रेसियो ३१.२५ गुणा र तरलता अनुपात १.८३ प्रतिशत कायम भएको छ ।