बाराही हाइड्रोपावरका संस्थापक पराजुलीले बेच्दै २४ हजार ७८० कित्ता सेयर

काठमाण्डौ । बाराही हाइड्रोपावर पब्लिक लिमिटेडका आधारभूत सेयरधनी लक्ष्मी नारायण पराजुलीले आफ्नो स्वामित्वमा रहेको २४ हजार ७८० कित्ता सेयर बिक्री गर्ने भएका छन्।

पराजुलीले उक्त सेयर बिक्री गर्ने मनसायसहित कम्पनीमा निवेदन दिएपछि कम्पनीले नेपाल स्टक एक्सचेन्ज (नेप्से)लाई त्यसबारे जानकारी गराएको हो।

धितोपत्र बोर्डको व्यवस्थाअनुसार आधारभूत सेयरधनीले आफूले धारण गरेको सेयरमध्ये ५ प्रतिशत वा सोभन्दा बढी सेयर बिक्री गर्न चाहेमा बिक्री गर्नुभन्दा कम्तीमा १५ दिन अगावै सम्बन्धित कम्पनीलाई जानकारी गराउनुपर्ने प्रावधान छ।

सोही व्यवस्थाबमोजिम पराजुलीले आफ्नो स्वामित्वमा रहेको २४ हजार ७८० कित्ता सेयर आगामी तीन महिनाभित्र बिक्री गर्ने मनसायसहित कम्पनीमा निवेदन दिएका हुन्।

उनको निवेदन प्राप्त भएपछि बाराही हाइड्रोपावरले नियमानुसार उक्त जानकारी नेप्सेमार्फत सार्वजनिक गरेको छ।