.gif)
_(1).gif)
काठमाण्डौ । सेयर बजारप्रति चौतर्फी आकर्षण वृद्धि तथा जनसहभागिता बढेसँगै राजनीतिक दलहरुले समेत यसतर्फ चासो दिन थालेका छन् । यसैको फलस्वरुप सेयर लगानीकर्ताहरुलाई समेटेर पार्टी विशेषको जनवर्गीय संगठनको निर्माणको क्रम समेत सुरु भएको छ ।
अघिल्लो साता काठमाण्डौमा सत्तारुढ घटक नेकपा एमालेसँग सम्बन्धित पूँजीबजारका लगानीकर्ताहरुको जनवर्गीय संगठन स्थापना भएको छ । सो संगठनको तदर्थ समिति समेत गठन गरिएको छ ।
(1).gif)
तदर्थ समितिको संयोजकमा सेयर ब्रोकर सागर ढकाल चयन भएका छन् । समितिमा राधा पोखरेल र तिलक कोइराला सल्लाहकार रहेका छन् । तदर्थ समितिले विधानअनुसार संगठन दर्ता गर्ने र आउने महाधिवेशनले पारित गरेपछि आधिकारिक संघको रुपमा स्थापित हुनेछ ।
अहिले पूँजीबजारमा लगानीकर्ताका संघसंगठन च्याउ झै खुलेका छन् । तर कुनै राजनीतिक दल विशेषको जनवर्गीय संगठनको रुपमा स्थापना भएको यो नै पहिलो संगठन हो ।
तदर्थ समितिका संयोजक ढकालले सेयर बजारमा लगानी गर्ने उद्योगी, व्यवसायी र लगानीकर्ताहरुको यो आधिकारिक संघ हुने दाबी गरेका छन् ।
हाल पूँजीबजारमा बग्रेल्ती समस्या रहेका र त्यस विषयमा प्रष्ट रुपमा कुरा बुझाउने तथा सेयर बजारको विषयमा पढाउने कुनै निकाय नभएका कारण यो संघको आवश्यकता देखिएको ढकालको दाबी छ ।
हरेक पार्टीमा विभिन्न पेशागत संगठन छन् । तर पूँजीबजारसँग सम्बन्धित संगठन नभएको कारण हरेक पार्टीबाट बन्ने अर्थमन्त्रीलाई पूँजीबजार विषयमा बुझाउन नसकिएको र आफूहरुले तयार गरेको संगठनले त्यो भूमिका निर्वाह गर्ने उनको भनाई छ ।
उनले भने–‘हाम्रो जस्तो संघ अब हरेक पार्टीबाट खोलिनु पर्छ । जसले पार्टीका नेताहरुलाई पूँजीबजारको विषयमा पर्याप्त ज्ञान हुनेछ । यसको महत्व, अर्थतन्त्रको विकासमा यो क्षेत्रको भूमिकाको विषयमा तब मात्र नेताहरुलाई ज्ञान प्राप्त हुनेछ । किनकी अब लगानीकर्ताहरुको माग र आवाजलाई सम्बोधन गरिनुपर्छ । त्यसका लागि नीतिगत व्यवस्था हुन आवश्यक छ । यसका लागि राजनीतिक तहको दवाब सिर्जना गरिनुपर्छ ।’
संयोजक ढकालले यस्ता संघ ‘अखिल नेपाल...... संघ’ भनेजस्तो विधानअन्तगर्तको आधिकारिक संगठनको रुपमा रहने बताए । ‘सबै पार्टीमा पूँजीबजारको विषयमा नेताहरुलाई ज्ञान दिन आबश्यक छ । नेताले बुझेपछि मात्रै मन्त्री भएपछि समस्याको समाधान हुन्छ । व्यवसायी साथीहरुले सिक्नु भएको छ, तर नेताहरुलाई ब्ुझाउन बाँकी छ । पार्टी निकट रहेर विद्यार्थी तथा महिलाका संघ बनेका छन । पार्टीमा पर्यटन विभाग भए जस्तै अब पूँजीबजार विभाग पनि हुनुपर्छ ।’ ढकालले थपे–‘यसले अब पार्टीहरुको डकुमेन्टमा नै पूँजीबजारको विषय उठान गर्न सहयोग गर्नेछ । अब पार्टीको पूँजीबजारसँग सम्बन्धित प्रतिवेदन हुनुपर्नेछ । निजी क्षेत्र, कर्मचारी र सरकार सबै राष्ट्र निर्माण प्रक्रियामा रहेको अबस्थामा यस्तो संघले पूँजीको परिचालनमा मद्दत गर्नेछ ।’
ढकाल नयाँ स्टक ब्रोकर संघका अध्यक्ष पनि हुन् ।
.gif)
.jpg)
(1).jpg)
.jpg)
.jpg)
.gif)
(1).gif)
.gif)
