.gif)
.gif)
.png)
काठमाण्डौ । नेपाल उद्योग वाणिज्य महासंघ, कृषि उद्यम केन्द्रका सभापति डिबि बस्नेत नेतृत्वको टोलि भारत, बिहारको गुलाववाग भ्रमणमा गएको छ । उक्त टोली मकैको खेती, व्यापार र यसको बजारीकरण, बैंक फाइनान्स आदिको विषयमा अध्ययन गर्न त्यसतर्फ गएको हो ।
उक्त टोलिलाई आज विराटनगरबाट बिदाई गर्दै नेपाल उद्योग वाणिज्य महासंघ कोशी प्रदेशका अध्यक्ष राजेन्द्र राउतले १५ वर्षको अवधिमा विहारमा कृषिले ठूलो फड्को मारेको छ यसको सिको नेपालका कृषक, र व्यवसायीहरुले पनि गर्नु पर्ने बताए । छिमेकी देशमा भइरहेको विकासको नमूनालाई हामीले उदाहरणका रुपमा लिएर अगाडी बढ्नु पर्ने र भ्रमणका क्रममा मकैको उत्पादन, यसको खेती यसमा संलग्न व्यवसायीहरुसंगको अन्तरक्रियाबाट उठेका राय सुझावहरु मकैको व्यवसायीक खेतीका लागि प्रोत्साहन हुने विश्वास लिंदै टोलिलाई शुभकामना दिएका थिए ।
.gif)
यसैगरी, भ्रमण टोलिलाई शुभकामना दिदै नेपाल उद्योग वाणिज्य महासंघका केन्द्रिय सदस्य अविनाश बोहराले कृषिलाई आत्मनिर्भर बनाउन भारतको केन्द्रिय र राज्य सरकारले धेरै सुविधाहरु दिए चर्चा गर्दै नेपालमा पनि यस्तो सुविधा दिएर कृषिको विकास गर्नु पर्ने कुरामा जोड दिएका थिए ।
नेपाल उद्योग वाणिज्य महासंघ कृषि उद्यम केन्द्रका सभापति डिवि बस्नेतले कृषि उद्यम केन्द्रले सिमिट नेपालको सहयोगमा पश्चिम नेपालको कपिलवस्तु, दाङ, बांके, बर्दिया, कैलाली र कंचनपुर जिल्लामा मकैको व्यवसायीक खेतीको शुरुआत गरेको र यसमा उक्त जिल्लाका कृषक, सहकारी, व्यवसायीहरुको सहभागिता रहेको जानकारी गराए । सिमेट नेपालको सहयोगमा कृषि उद्यम केन्द्रले शिप, ज्ञान, क्षमता अभिवृद्धि लगायत विभिन्न तालिमहरु दिएर मकै खेतीको व्यवसायीकरण गर्न प्रोत्साहन गर्दै आएको बताउंदै उक्त भ्रमण टोलिमा ६ जिल्लाका सहकारी, कृषक समूह, उद्योग वाणिज्य संघ, गाउंपालिका कृषि उद्योगका संचालक लगायत ३० जनाको सहभागीता रहेको बताएका थिए ।
.png)
.jpg)
.jpg)
.jpg)
.gif)
.gif)
.gif)