.gif)
_(1).gif)
.png)
काठमाण्डौ । विश्व अटो बजार विस्तारै ईभीमय बन्दै गईरहेको छ । वातावरणप्रतिको सजगता र विश्वका देशहरुले शून्य कार्बन उत्सर्जनप्रति गरेको प्रतिबद्धताका कारण ईभीप्रतिको आकर्षण वृद्धि भईरहेको छ ।
अहिले बजारमा विभिन्न कम्पनीहरुले उत्पादन गरेको ईभी कारहरु प्रशस्तै पाइन्छन् । कम्पनीहरुले आक्रामक रुपमा गरिरहेको व्यापार विस्तार र ईभी गाडी पनि धेरैजसोका लागि नयाँ विषय भएकाले आम उपभोक्तालाई कुन ईभी गाडी आफ्ना लागि उपयुक्त हुन्छ भन्ने छुट्याउन मुश्किल भईरहेको छ ।
(1).gif)
ईभी गाडीमा भएको कमी कमजोरी छुट्याउन नसक्दा कतिपय ग्राहकहरु ठगिने क्रम समेत बढिरहेको खबर आईरहेका पाइन्छन् ।
यस्तैमा चिनियाँ अटो निर्माता कम्पनी डङफेङ मोटर कर्पोरेसनले उत्पादन गरिरहेको एसयुभी ईभी, Seres-3 को कमी कमजोरीका बारेमा विभिन्न रिपोर्ट सार्वजनिक भएका छन्।
1. Seres-3 EV को ब्रेकिङमा गम्भीर समस्या, एमएडब्ल्यूबाट गाडी किनेका ग्राहकमाथि यो हदसम्मको फ्रड !
यस्ता छन् सेरेस थ्रीमा देखिएका समस्या
१. यो कारको कुनै पनि क्रयास रेटिङ छैन र यसको बेस मोडलमा दुईवटा मात्रै एयरब्याग उपलब्ध छ । कम्तीमा आधा दर्जन एयरब्याग हुनुपर्ने वर्तमान अवस्थामा पारिवारिक एसयुभीमा जम्मा २ वटा मात्रै एयरब्याग हुनु कमजोरीको रुपमा देखिन्छ ।
२.सेरेस थ्रिको लक्जरी भर्जनमा कारलाई लेनमा कायम राख्नका लागि ‘लेन किप असिस्ट र फरवार्ड कोलाइजन वार्निङ’ दिइएको छ । तर यसमा ‘अटो इमर्जेन्सी र ब्लाइन्ड स्पट मोनिटर भने उपलब्ध छैन ।
३. धेरै घाम लागिरहने ठाउँमा कारमा रहेको रिभर्सिङ क्यामेरा प्रयोगविहिन बन्नसक्छ । यसका साथै यो ३६० डिग्री भिजनमा फिट गरिएकाले स्क्रिनको गु्णस्तर पनि कमजोर रहेको छ ।
४.सेरेस थ्रिमा केहि लक्जरी सुविधाहरु थप गरिएको छ । कारको इलेक्ट्रिक फ्रन्ट सीटमा तीन तहको हिटिङ,डिजिटल ड्यास,वायरलेस फोन चार्ज प्याड, इलेक्ट्रिक प्यानारोमिक रुफ र न्याभिगेशन प्रदान गरिएको छ । तर कारमा गुणस्तरको स्क्रिन,एप्पल कारप्ले/एन्ड्रोइड अटो र प्रतिस्पर्धात्मक सुरक्षात्मक उपकरण भने दिइएको छैन । यसप्रति ग्राहकहरुले गुनासो गरेका छन् ।
५. कारमा रहेको ‘पप–अप रोटरी गियर सिफ्टर इलुमिनेशन’का कारण दिनको उज्यालोमा कुन गियरमा गाडी कुदिरहेको छ देख्न सकिन्न ।
६. इलेक्ट्रिक पार्क ब्रेकले अटो रिलिज गर्दैन । साथै यसको ब्लुटुथमा निकै समस्या देखिएको छ ।
७. सबैभन्दा प्रमुख सुरक्षा कमजोरी भनेको सेरेस थ्रिमा रोटरी गियर सिफ्टर हो । यसलाई धेरै छिटो घुमाउनुहोस् र गियर फेला पार्न हिचकिचाउनुको सट्टा, यसले तपाईंलाई कुनै पनि गियर दिँदैन। द्रुत तीन(बिन्दु)टर्न गर्ने प्रयास गर्नुहोस् र तपाईं अलमलमा पर्नुहुन्छ, रिभर्सको लागि R वा ड्राइभको लागि D उज्यालो भए तापनि।
८. यसको हेडलाइट र एसीको बारेमा पनि ग्राहकले गुनासो गरेका छन् ।
९.स्टेरिङ ह्विल पनि उचाईका लागि मात्रै एडजस्ट हुन्छ । डोर प्लास्टिक पनि कमसलको छ र टेलगेट पनि निकै भारी छ ।
१०. राम्रो सतह भएको रोडमा यो कार राम्ररी नै कुद्छ तर रोडको सतह अलिकति पनि बिग्रेको छ भने ज्यादा उफार्ने गर्छ । यसको इन्जिन रेस्पोन्स डिले पनि समस्याको रुपमा देखिएको छ ।
.gif)
.png)
.jpg)
.jpg)
.jpg)
.gif)
(1).gif)
.gif)
