.gif)
_(1).gif)
.png)
काठमाण्डौ । पावरफुल र तीव्र गतिका कार निर्माण गर्नका लागि प्रख्यात फ्रान्सेली लक्जरी कार निर्माता कम्पनीले बुगाटीले नयाँ कार लञ्च गरेको छ । कम्पनीले बुगाटी टुरबिलियन नामक नयाँ लक्जरी कार लञ्च गरेको हो ।
आकर्षक लुक्स र दमदार इन्जिनले सुसज्जित यो कार विभिन्न कारणले विशेष देखिएको छ । यो कारमा कयौं यस्ता फिचर्सहरु दिइएका छन्, जसले यसलाई अनौठो र विशेष बनाएको छ ।
सबैभन्दा पहिले यो कारको नाम ‘टुरबिलियन’को कुरा गरौं । टुरबिलियन घडिहरुको दुनियाको मेकानिज्मबाट प्ररित छ । यस्तो घडि जुन पारदर्शी हुने गर्छ र यसको भित्रको मेकानिज्म वा घुमिरहेको मेशीनहरु सजिलै देख्न सकिन्छ ।
नयाँ कारले रेसर्सहरुको नामबाट कारको नामाकरण गर्ने बुगाटीको पुरानो परम्परामा पूर्णविराम लागेको छ । कारको क्यारेक्टरका आधारमा यसको नाम टुरबिलियन राखिएको छ । कम्पनीले यो कारमा पनि केहि यस्ता कम्पोनेन्टहरु प्रयोग गरेको छ, जसले कारको रोटेशन अर्थात घुम्ने प्रवृतिलाई बाहिरबाटै देख्न सकिन्छ ।
यो कारमा कम्पनीले विशेष प्रकारको स्टेरिङ ह्वील प्रदान गरेको छ । यो स्टेरिङ ह्वीलमा नै स्पीडोमिटर लगाइएको छ । तथापी ड्राईभिङको क्रममा स्टेरिङ ह्वील त घुम्छ तर यो स्पीडोमिटर भने एकै ठाउमा फिक्स रहन्छ ।
(1).gif)
यो कारमा अन्य कारमा जस्तो डब्लु१६ इन्जिनको साटो ८.३ लिटर क्षमताको नेचेरल एस्पिरेटेड भी१६ इन्जिन दिइएको छ । जसले १ हजार हर्सपावर जेनेरेट गर्न सक्छ । यसका साथै यो एन्जिनलाई ३ वटा भिन्न इलेक्ट्रिक मोटरसँग पनि जोडिएको छ । जसमा २ वटा मोटर अघि र एउटा मोटर पछाडितर्फ रहेको छ । यो इलेक्ट्रिक मोटरले अतिरिक्त ८०० एचपी पावर जेनेरेट गर्छ । यसको इन्जिनको तौल २५६ किलो रहेको छ । यसले केवल २ सेकेण्डमा १०० किलोमिटर प्रतिघण्टासम्मको गति लिन सक्छ । त्यस्तै ५ सेकेण्डमा २ सय किमी,१० सेकेण्डमा ३ सय र २५ सेकेण्डमा ४ सय किमि प्रतिघण्टासम्मको गति लिन सक्छ ।
यो कारको गति प्रतिघण्टा ४०० किलोमिटर रहेको छ । यसको मूल्य ४.०६ मिलियन डलर रहेको छ । कम्पनीले यो कारको डेलिभरी सन् २०२६ देखि गर्न सक्ने जनाइएको छ । सुरुवातमा यो कारको २५० युनिटमात्रै निर्माण गरिनेछ । -एजेन्सी
.gif)
.png)
(1).jpg)
.jpg)
.gif)
.gif)
