.gif)
.gif)
(5).jpg)
.png)
काठमाण्डो । बैंकिङ प्रणालीको निक्षेप संकलन एकैदिन १० अर्ब रुपैयाँले बढेको छ । नेपाल राष्ट्र बैंकको ताज आँकडाअनुसार असार १७ गतेसम्म बैंकिङ प्रणालीमा ६३ खर्ब ४५ अर्ब रहेको छ । गत असार १६ गतेसम्म पनि बैंकिङ प्रणालीमा ६३ खर्ब ३५ अर्ब रुपैयाँ नै निक्षेप संकलन रहेको थियो । यसरी एक दिनको अवधिमा बैंकिङ प्रणालीमा १० अर्ब रुपैयाँ थपिएको हो ।
वाणिज्य बैंकहरुको निक्षेप संकलन पनि ९ अर्बले बढ्दै ५६ खर्ब २२ अर्ब रुपैयाँ पुगेको छ । गत असार १६ गतेसम्म वाणिज्य बैंकहरुको निक्षेप संकलन ५६ खर्ब १३ अर्ब रुपैयाँ थियो । अन्य वित्तीय संस्थाको निक्षेप संकलन भने स्थिर रहेको छ । अन्य वित्तीय संस्थाको निक्षेप संकलन ७ खर्ब २२ अर्ब रहेको छ ।
निक्षेप संकलनसँगै बैंकिङ प्रणालीको कर्जा प्रवाह पनि बढेको छ । गत असार १६ गतेसम्म ५१ खर्ब ४९ अर्ब रुपैयाँ कर्जा प्रवाह भएकोमा असार १७ गतेसम्म भने ५१ खर्ब ५१ अर्ब रुपैयाँबराबरको कर्जा प्रवाह भएको छ ।
यो अवधिमा वाणिज्य बैंकहरुको कर्जा प्रवाह पनि १ अर्बले बढेको छ । असार १७ गतेसमम वाणिज्य बैंकहरुबाट ४५ खर्ब ५७ अर्ब रुपैयाँबराबरको कर्जा प्रवाह भएको छ । असार १६ गतेसम्म ७९.१८ प्रतिशत रहेको सीडी रेसियो घटेर ७९.०९ प्रतिशतमा सीमित बनेको छ ।
यस्तै अन्तर बैंक ब्याजदर भने स्थिर अर्थात ३ प्रतिशत कायम भएको छ ।
.png)
.jpg)
.jpg)
.jpg)
.jpg)
.gif)
(1).gif)
.gif)
