(1).gif)
(2).gif)
काठमाण्डौ । सिनर्जी पावर कम्पनी २०६३ सालमा स्थापना भएको थियो । २०७० पुसदेखि यो कम्पनी पब्लिक बनेको हो ।
कम्पनीले दोलाखा जिल्लाको गौरीशंकर गाउँपालिकामा १० मेगावाट विद्युत उत्पादन गरिरहेको छ । २०६९ देखि कम्पनीले व्यवसायिक उत्पादन थालेको हो ।
आधारभूत पक्ष
कम्पनीको यस आर्थिक वर्षको पहिलो त्रैमासिक प्रतिबेदनअनुसार चुक्तापुँजी १ अर्ब १५ करोड रुपैयाँ रहेको छ । कम्पनीको जगेडा कोषमा ९ करोड ६० लाख ४९ हजार रुपैयाँ मात्रै रहेको छ ।
कम्पनीको कूल पुँजी भने १ अर्ब २५ करोड रुपैयाँ रहेको छ । कम्पनीको खूद मूनाफा २ करोड ६७ लाख रुपैयाँ रहेको छ । यो भनेको अघिल्लो आर्थिक बर्षको तुलनामा ३४ प्रतिशतले गिरावट हो ।
(2).gif)
.gif)
(1).gif)
कम्पनीको वार्षिकीकृत प्रतिसेयर आम्दानी ९.२६ रुपैयाँ रहेको छ । बुक भ्यालु १०८ रुपैयाँ रहेको छ । कम्पनीको रिर्टन अन इक्विटी ८.५५ प्रतिशत रहेको छ । कम्पनीले गत वर्ष १० प्रतिशत र अघिल्लो वर्ष ५ प्रतिशत लाभांश दिएको थियो ।
प्राविधिक पक्ष
फिएर एण्ड ग्रिड मिटरको आधारमा
फिएर एण्ड ग्रिड मिटरको आधारमा यो कम्पनी हाल बुलिस सेन्टिमेन्टमा चलेको देखिन्छ । कम्पनीको यस्तो विन्दु हाल ६० को तहमा रहेको छ ।
यस्तो विन्दु २० भन्दा तल हुँदा अधिक बिक्री र ८० भन्दा माथिमा अधिक खरिद भएको बुझिन्छ । कम्पनीको ५२ साताको उच्च मूल्य ३४३ र न्यून मूल्य १६० रुपैयाँ रहेको छ ।
कम्पनीको सत्प्रतिसत सेयर सर्वसाधारणमा परिणत भइसकेको छ । हाल दोस्रो बजारमा यो कम्पनीको २७५ रुपैयाँमा अन्तिम कारोबार भएको छ ।
बोलिङगर ब्याण्ड, म्याक्डी र आरएसआई
बोलिङ्गर ब्यान्डको आधारमा यो कम्पनी हाल अपरब्यान्डबाट खसेर मध्य ब्यान्डमा सपोर्ट लिन खोजेको देखिन्छ । म्याक्डीमार्फत हेर्दा कम्पनीले केही समय पहिले बनाएको बियरिस क्रसओभर भ्यालिड नै रहेको छ ।
हिस्टोग्राम नेगेटिभ नै छ । आरएसआई ६० को तहमा चलेको छ । समग्रमा तीन वटै इन्डिकेटरबाट हेर्दा कम्पनीको सेयरभाउले मध्यब्यान्डमा सपोर्ट लिएको कारण अल्पकालिन लगानीकर्ताहरुका लागि यो कम्पनी लगानीको राम्रो विकल्प हुनसक्छ ।
पिभट विश्लेषण भनेको सेयर तथा डेरिभेटिभको अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकाल्ने एउटा मेथड हो ।
बढेमा प्रतिरोध
प्रतिरोध ३ –३३६
प्रतिरोध २ –३१६
प्रतिरोध १– २९५
पिभट प्वइन्ट: २७५
घटेमा सपोर्ट
सपोर्ट १– २५४
सपोर्ट २– २३४
सपोर्ट ३ –२१३
निश्कर्ष: आधारभूत रुपमा यो कम्पनी अन्य जलविद्युत कम्पनीको तुलनामा ठीकै अवस्थामा रहेको देखिन्छ ।
कम्पनीको यस आर्थिक वर्षको पहिलो त्रैमासिक प्रतिबेदनअनुसार नेटवर्थ सकारात्मक रहेको छ भने प्रतिसेयर आम्दानी पनि १० रुपैयाँ नजिक रहेको छ । रिटर्न अन इक्विटी भने अघिल्लो आर्थिक बर्षको तुलनामा यो आर्थिक बर्षमा करिब ५२ प्रतिशतले घटेको छ ।
प्राविधिक रुपमा कम्पनीको अबस्था नियाल्दा केही समय पहिले बोलिङ्गरको अपर ब्यान्डबाट खसेको यो कम्पनीको सेयरभाउले मध्यब्यान्डमा सपोर्ट लिन खोजेको देखिन्छ । पिभटमार्फत नियाल्दा कम्पनीको सेयर पिभट प्वाइन्ट २७५ भन्दा माथि टिकेको देखिन्छ । आरएसआई पनि ६० को तहमा चलको देखिन्छ । यसकारण यो कम्पनीमा आगामी दिनमा अल्पकालीन लगानीकर्ता हाबी हुनसक्छन् ।
(नोट: सेयर बजारमा लगानी जोखिमपूर्ण हुन्छ । यो विश्लेषण कुनै कारोबारको सिफारिस भने होइन ।)
.gif)
(1).gif)
.jpg)
.jpg)
.jpg)
