.gif)
.gif)
.png)
काठमाण्डौ । साना किसान विकास लघुवित्त वित्तीय संस्था लिमिटेडले वित्तीय अवस्थामा राम्रो सुधार आएको छ । गत आवको चौथौ त्रैमाससम्म संस्था अधिकांश सूचकमा अब्बल देखिएको छ । चौथौ त्रैमाससम्म संस्थाको खुद नाफा २२.७७ प्रतिशतले वृद्धि भएको छ ।
चौथो त्रैमासको अन्त्यसम्ममा संस्थाले ९४ करोड ९६ लाख रुपैयाँ बढी मुनाफा आर्जन गरेको छ । अघिल्लो आवको सोही अवधिसम्म भने संस्थाले ७७ करोड ३५ लाखबराबरको खुद नाफा कमाएको थियो ।
समीक्षा अवधिसम्म संस्थाको खुद ब्याज आम्दानी पनि बढेको छ । अघिल्लो आवको चौथो त्रैमाससम्म १ अर्ब ६६ करोड रुपैयाँ खुद ब्याज आम्दानी गरेको संस्थाले समीक्षा अवधिसम्म भने २ अर्ब १९ करोडबराबरको खुद ब्याज आम्दानी गरेको छ । यसरी संस्थाको खुद ब्याज आम्दानी ३१.४३ प्रतिशतले बढेको छ ।
संस्थाले यो अवधिसम्म ४२ लाख ८५ हजार रुपैयाँबराबरको खुद शुल्क तथा कमिशन आम्दानी गरेको छ । समीक्षा अवधिसम्म संस्थाको रिटेन्ड अर्निङ १ अर्ब ७२ करोड र रिजर्भको आकार ३ अर्ब ९१ करोड रुपैयाँ रहेको छ । २ अर्ब ८३ करोड रुपैयाँबराबरको निक्षेप संकलन गरेको संस्थाले ४ करोड ९१ लाख रुपैयाँबराबरको कर्जा प्रवाह गरेको छ । संस्थाको खराब कर्जा अनुपात बढेको छ । अघिल्लो आवको चौथो त्रैमाससम्म ०.६१ प्रतिशत रहेको खराब कर्जा अनुपात बढेर २.१८ प्रतिशत पुगेको छ ।
संस्थाको वितरणयोग्य मुनाफा १ अर्ब ६८ करोड रुपैयाँबाट बढेर १ अर्ब ७२ करोड रुपैयाँ पुगेको छ । यो अवधिसम्म लाभांश क्षमता भने ५०.५८ प्रतिशतबाट घटेर ४५.४४ प्रतिशतमा सीमित बनेको छ ।
त्यस्तै संस्थाको प्रतिसेयर आम्दानी(ईपीएस) २४.९५ रुपैयाँ,पीई रेसियो ३४.२२ गुणा,तरलता अनुपात १२.३३ प्रतिशत,प्रतिसेयर नेटवर्थ २४८.८१ रुपैयाँ र प्रतिसेयर कुल सम्पत्तिको मूल्य १ हजार १६५.८४ रुपैयाँ कायम भएको छ ।
.png)
.jpg)
.png)
.jpg)
.gif)
