सरकारले गर्यो एनसेलको लाइसेन्स ५ वर्षका लागि नवीकरण

काठमाण्डौ । सरकारले एनसेलको अनुमतिपत्र (लाइसेन्स) नवीकरण गरेको छ । नेपाल दूरसञ्चार प्राधिकरणले आइतबार सर्तसहित एनसेलको लाइसेन्स ५ वर्षका लागि नवीकरण गरेको हो ।

गत भदौ १३ गते बसेको मन्त्रिपरिषद् बैठकले एनसेलको लाइसेन्स नवीरकण गर्ने निर्णय गरेको थियो । एससँगै एनसेलले थप १ अर्ब रुपैयाँ भुक्तानी गरेपछि लाइसेन्स नवीकरण गरिएको हो । एनसेलले यसअघि १४ जेठमा ४ अर्ब रुपैयाँ बुझाएको थियो ।

एनसेलको लाइसेन्सको म्याद भदौ १६ गते समाप्त भएको थियो ।

एनसेलले नवीकरण दस्तुर बापत प्रत्येक ५ वर्षमा २० अर्ब रुपैयाँ भुक्तानी गर्नुपर्छ । गत भदौ १३ गते बसेको मन्त्रीपरिषद्को बैठकले सरकारले किस्ताबन्दी सुविधा दिएका कारण प्रत्येक वर्ष ५ अर्ब र १० प्रतिशत ब्याजदर भुक्तानी गर्नुपर्ने सर्त राखेको थियो ।