डिजिटल कारोबार निःशुल्क गर्न प्रधानमन्त्रीले पहलकदमी चाल्दै

काठमाण्डौ। प्रधानमन्त्री केपी शर्मा ओलीले साना डिजिटल कारोबारलाई निःशुल्क बनाउने बताएका छन् । प्रधानमन्त्री ओलीले आफ्नो आधिकारिक फेसबुक अकाउन्टमार्फत यस्तो घोषणा गरेका हुन् ।  

उनले एक पोष्ट जारी गर्दै साना डिजिटल कारोबारलाई निःशुल्क गर्ने विषयमा सम्बन्धित अधिकारीसँग छलफल गरिरहेको समेत बताएका छन् । फेसबुकको इन्बक्समा मोबाइल बैंकिङ ट्रान्सफर गर्दा लाग्ने गरेको अतिरिक्त चार्जबारे आइरहेका सुझावहरुलाई सम्बोधन गर्न यस्ता कारोबारलाई निःशुल्क बनाउन अग्रसर भएको प्रधानमन्त्रीले बताएका छन् ।  

‘आजभोलि हामी धेरैजसो डिजिटल माध्यमबाट रकम ट्रान्सफर गर्ने गरेका छौं । इन्टरनेटको सहजताले होला, सानोसानो कारोबारमा पनि हामी क्यासलेस गर्न अभ्यस्त छौं । जाजरकोटका अबिन बिके लेख्नुहुन्छ– ‘अहिले म दैनिक रुपमा सयरपचास रुपैयाँका कारोबार दिनमा ५÷६ पटक गर्छु र त्यहाँ हरेक पटक लाग्ने ११ रुपैयाँ ३० पैसा चार्जले मेरो दैनिक रुपमा ६०÷७० रुपैयाँ खर्च हुन्छ । यसरी महिनामा मेरो दुई हजार देखि २२ सय सम्म खर्च हुन्छ, यो कसरी हटाउने होला !’, उनले फेसबुकमा लेखेका छन् ।  

हाल मोबाइल बैंकिङ प्रयोगतर्काहरुले डिजिटल कारोबार गर्दा प्रतिकारोबार १० रूपैयाँ, वालेटमा ५ रूपैयाँभन्दा बढी र कनेक्ट आईपीएसमा न्यूनतम ४ रूपैयाँका दरले शुल्क तिरिहेका छन्। यस्तो शुल्कमा चालू आर्थिक वर्षदेखि मूल्य अभिवृद्धि कर (भ्याट) पनि लाग्न थालेको छ ।