रतन टाटाका सौतेला भाई बने टाटा ट्रस्टको अध्यक्ष

काठमाण्डौ । रतन टाटाको निधनपछि ६६ वर्षीय नोएल टाटा टाटा ट्रस्टको अध्यक्ष हुने भएका छन् । उनी रतन टाटाका सौतेनी भाइ हुन्। अक्टोबर ९ मा रतनको मृत्यु पछि नोएल टाटा ट्रस्टको एकमात्र दावेदार थिए। उनका भाइ जिमीको नाम पनि चर्चामा रहे पनि उनले यसअघि नै सन्यास लिएका थिए ।

मुम्बईमा भएको ट्रस्ट बैठकमा नोएलको नाममा सहमति भएको थियो । यसको औपचारिक घोषणा पछि गरिने जनाइएको छ । टाटा समूहसँग घनिष्ठ सम्बन्ध रहेको अधिकांश पारसी समुदायले अध्यक्षमा आफ्नो नाम जोडिएको टाटासँगको व्यक्ति हुनुपर्ने बताएका थिए । त्यसैले नोएल सर्वसम्मतिले अध्यक्ष चुनिएका हुन् ।  नोएल ४० वर्षभन्दा बढी समयदेखि टाटा समूहसँग आबद्ध छन्। नोएल टाटा सर दोराबजी टाटा ट्रस्ट र सर रणत टाटा ट्रस्टका ट्रस्टी पनि हुन्। यी ट्रस्टहरूको टाटा सन्सको बहुमत सेयर छ।

नोएल सन् २०१४ देखि ट्रेन्ट लिमिटेडका अध्यक्ष छन्। ट्रेन्ट जुडियो र वेस्टसाइडका मालिक हुन्। उनको नेतृत्वमा विगत १० वर्षमा कम्पनीको सेयर ६ हजार प्रतिशतभन्दा बढीले बढेको छ ।

नोएल नेवल टाटाको दोस्रो पत्नी सिमोनका छोरा हुन्। रतन टाटा र जिमी टाटा नवल र उनकी पहिलो पत्नी सुनीका सन्तान हुन्।

नोएलले ससेक्स विश्वविद्यालयमा अध्ययन गरेका छन्। नोएलले टाटा इन्टरनेशनलबाट आफ्नो करियर सुरु गरेका थिए । सन् २०११ मा, उनलाई टाटा इन्टरनेशनल को अध्यक्ष बनाइएको थियो। त्यसपछि उनलाई समूहको अध्यक्ष बनाउने चर्चा सुरु भएको थियो ।