.gif)
.gif)
.png)
काठमाण्डौ । ९ अक्टोबर २०२४ मा भारतका दिग्गज व्यापारी रतन टाटाको निधन भयो। उनको अन्तिम यात्रामा सम्पूर्ण राष्ट्रले शोक व्यक्त गर्दै भावपूर्ण श्रद्धाञ्जली अर्पण गरेको छ । रतन टाटाको अन्तिम संस्कारमा देश र विश्वका चर्चित व्यक्तित्वहरु पनि सहभागी भएका थिए ।
यस्तोमा एक युवासँग रतन टाटाको सम्बन्धका बारेमा निर्क चर्चा सुरु भएको छ । ती युवा हुन् शान्तनु नायडु । रतन टाटालाई आँसु भरिएका आँखाले अन्तिम विदाई दिँदै शान्तनुले लेखेका थिए, ‘यो मित्रताले अहिले मभित्र जुन शून्यता सिर्जना गरेको छ, त्यो म जीवनभर सहन्छु म यसलाई भर्ने प्रयासमा मेरो समय खर्च गर्नेछु। मायाको लागि दुःखको मूल्य चुकाउनु पर्छ। अलविदा, मेरो प्यारो लाइटहाउस।’
को हुन् शान्तनु नायडू ?
शान्तनु नायडूको जन्म भारतको पुणेमा भएको थियो। शान्तनुले सन् २०१४ मा सावित्रीबाई फुले पुणे विश्वविद्यालयबाट इन्जिनियरिङको डिग्री पूरा गरे । यसपछि शान्तनुले सन् २०१६ मा कर्नेल जोन्सन ग्रेजुएट स्कूल अफ म्यानेजमेन्टबाट बिजनेस एडमिनिस्ट्रेशनमा स्नातकोत्तर गरे । आफ्नो शिक्षा पूरा गरेपछि, उनले टाटा एलक्सीमा अटोमोबाइल डिजाइन इन्जिनियरको रूपमा आफ्नो करियर सुरु गरे।
लिङकेडिनका अनुसार उनले सन् २०१७ मा टाटा ट्रष्टमा काम गरेका थिए । उनी रतन टाटाको सहायकको रुपमा रहेका थिए ।
रतन टाटालाई दिन्थे लगानीको सुझाव
नायडुको प्रतिभाबाट रतन टाटा निकै प्रभावित भएका थिए । त्यसैले टाटाले आफै फोन गरेर उनलाई आफ्नो सहायक बन्ने प्रस्ताव गरेका थिए । यसपछि नायडु सन् २०२२ मा रतन टाटाको अफिसमा जीएम बनेका थिए । नायडुको जन्म सन् १९९३ मा महाराष्ट्रको पुणेमा भएको थियो । उनले रतन टाटालाई स्टार्टअप कम्पनीमा लगानी गर्न सुझाव दिने गर्थे ।
रतन टाटासँग कसरी भयो भेट ?
शान्तनु नायडुसँग रतन टाटाको भेट जनावर प्रेमका कारण भएको थियो । दुवैको भेट सन् २०१४ मा भएको थियो । नायडुले सडकका कुकुरलाई दुर्घटनाबाट बचाउन रातमा चम्किने पट्टी बाध्ने काम गर्थे । उनको यो कामबाट रतन टाटाको मन छोयो । जसपछि दुवै जना नजिक भए र दुवैबीच गहिरो मित्रता बस्यो । रतन टाटासँग पहिलो पटक भेट हुँदा नायडु २० वर्षका थिए ।
जागिरका अलावा नायडु गुडफेलो स्टार्टअपका पनि मालिक हुन् ।
.png)
.jpg)
.jpg)
.gif)
(1).gif)
.gif)
