बंगलादेशलाई अडाणी ग्रुपको चार दिने अल्टिमेटम,बक्यौता नतिरे विद्युत आपूर्ति बन्द गर्ने चेतावनी

काठमाण्डौ । भारतीय धनाढ्य गौतम अडाणीको कम्पनी अडाणी पावरले विद्युतको बक्यौता रकम भुक्तानी गर्न बंगलादेशलाई ४ दिनको समय दिएको छ । कम्पनीले यसअघि नै बंगलादेशमा विद्युतको आपूर्ति आधि कटौती गरेको थियो ।  

अडाणी ग्रुपअन्तर्गको कम्पनी,अडाणी पावर झारखण्ड लिमिटेडले बंगलादेशले ८४६ मिलियन डलरबराबरको भुक्तानी नतिरेपछि यस्तो कदम उठाएको हो ।  

बंगलादेशको पावर ग्रिडको डेटाअनुसार अडाणी पावरले गत बिहिबार विद्युत आपूर्ति कटौती गरेको थियो । यो कटौतीबाट बंगलादेशलाई एक रातमा १६ सय मेगावाटभन्दा बढी विद्युत अभावको सामना गर्नु परेको सथियो । १ हजार ४९६ मेगावाटको बंगलादेश प्लान्ट अहिले ७ सय मेगावाटमा काम गरिरहेको छ ।  

यद्यपी बंगलादेश इलेक्ट्रिसिटी बोर्डले भने पुरानो बक्यौता रकम तिरिसकेको तर जुलाई महिनाबाट अडाणी पावरको चार्जेज प्त्येक साता २२ मिलियन डलरभन्दा बढी भएको जनाएको छ ।  

अडाणी पावर लिमिटेडले सन् २०२३ अप्रिल १० देखि बंगलादेशलाई विद्युत निर्यात गर्न सुरु गरेको थियो । कम्पनीले सन् २०१७ मा पावर पर्चेज एग्रिमेन्टमार्फत २५ वर्षका लागि गोड्डा पावर प्लान्टबाट बंगलादेशलाई विजुली आपूर्ति गर्ने सहमति गरेको थियो ।