पेट्रोलियम पदार्थको मूल्य बढ्यो, प्रतिलिटर कति ?

काठमाण्डौ । नेपाल आयल निगमले पेट्रोलियम पदार्थको मूल्य बढाएको छ । निगमले मंसिर १५ गते राति १२ बजेदेखि लागू हुनेगरी पेट्रोलियम पदार्थको मूल्य बढाएको हो ।  निगमले पेट्रोलको मूल्य प्रतिलिटर एक रुपैयाँले बढाएको छ ।  

त्यस्तै, हवाई इन्धनको मूल्य पनि आन्तरिकतर्फ २ रुपैयाँ र अन्तर्राष्ट्रियतर्फ काठमाण्डौका लागि प्रतिकिलोलिटर १५ डलरले बढेको छ । निगमका अनुसार खाना पकाउने ग्यासको भने मूल्य यथावत् रहेको छ । पोखरा र भैरहवाका लागि भने ‘ब्रेक इभन प्वइन्ट’मा बिक्री मूल्य कायम गरिएको छ ।  

पहिलो वर्गमा पेट्रोलको मूल्य १५७.५० रुपैयाँ, दोस्रो वर्गमा १५९ र तेस्रो वर्गमा १६० रुपैयाँ तोकिएको छ । निगमले पहिलो वर्गमा चारआली, विराटनगर, जनकपुर, अमलेखगञ्ज, भलवारी, नेपालगञ्ज, धनगढी र वीरगञ्जलाई राखेको छ ।  

यस्तै दोस्रो वर्गमा सुर्खेत र दाङ र तेस्रो वर्गमा काठमाण्डौ, पोखरा र दिपायल परेका छन् ।