प्रभु बैंकले एकैपटक राख्यो ३४.२५ लाख कित्ता संस्थापक सेयर बिक्रीमा, क

काठमाण्डौ । प्रभु बैंक लिमिटेडले एकैपटक ३४ लाख कित्ता बढी संस्थापक सेयर बिक्रीमा राखेको छ । बैंकले छुट्टा–छु्ट्टै सूचना जारी गर्दै बैंकका विद्यमान संस्थापक र आम सर्वसाधारणका लागि कुल ३४ लाख २५ हजार ६१८ कित्ता संस्थापक सेयर आजदेखि बिक्रीमा राखेको हो ।

बैंकले विभिन्न ८ जना संस्थापक सेयरधनीहरुको स्वामित्वमा रहेको ३२ लाख ९० हजार ३१७ कित्ता विद्यमान संस्थापका लागि र ५ जना संस्थापक सेयरधनीको स्वामित्वमा रहेको १ लाख ३५ हजार ३०१ कित्ता आम सर्वसाधारण तथा कम्पनीका लागि बिक्रीमा राखेको हो ।

विद्यमान संस्थापक सेयरधनीका लागि बिक्रीमा राखिएको सेयर खरिदका लागि सूचना जा्री भएको ३५ दिनभित्र आवेदन दिनु पर्नेछ भने सर्वसाधारणका लागि राखिएकोमा १५ दिनभित्र आवेदन दिनु पर्नेछ । यस्तो आवेदन बैंकको काठमाण्डौ बबरमहलस्थित केन्द्रीय कार्यालयमा आईपुग्ने गरी दिनु पर्नेछ ।