.gif)
_(1).gif)
काठमाण्डौ । पछिल्लो समय आफूलाई ‘बजारको ठूलो सेयर लगानीकर्ता’ बताउने, बजारमा ‘गैरकानूनी काम’का पर्याय दीपेन्द्र अग्रवालले जोशी हाइड्रोको सेयरमूल्य उचाल्न अत्यधिक मात्रामा ब्रोकरको कोल्याट्रल प्रयोग गरेको खुलेको छ । उनले यस्तो गर्दा आफूहरुले दैनिकजसो सकस भोग्नुपरेको गुनासा ब्रोकरहरुले गरेका छन् ।
हाल दीपेन्द्र अग्रवालले श्रीकृष्ण सेक्युरिटिज(स्टक ब्रोकर नम्बर २८)बाट कारोबार गर्ने गर्छन् । अग्रवालले कारोबार गर्ने हरेक ब्रोकरमा कम्तीमा पनि १२ –१५ करोड रुपैयाँ उधारो हुने गर्छ । उनी ब्रोकरहरुलाई थर्काएर लामो समयसम्म उधारोमै कारोबार गर्छन् ।
(1).gif)
सीडीएसीस्थित उच्च स्रोतकाअनुसार पछिल्लो समय अग्रवालले कारोबार गर्ने श्रीकृष्ण सेक्युरिटिजमा १६ करोड रुपैयाँ बाँकी रहँदा सबै ब्रोकर नै आउट हुने अवस्था बन्यो । यही समस्या उनले कारोबार गर्ने शिल्पा सेक्युरिटिज(स्टक ब्रोकर नम्बर २०)मा पनि देखियो ।
एक ब्रोकरले दिएको जानकारीअनुसार उनले कम्तीमा १० करोडभन्दा तलको कोल्याट्रलमा कारोबार नै गर्दैनन् । ‘अघिल्लो साता जसोतसो अन्य ब्रोकरहरुसँग पनि सहकार्य गरेर हिसाब मिलान गरियो । तर आउने साता के कसरी राफसाफ गर्ने भन्ने समस्या छ ।’–एक पीडित ब्रोकरले भने ।
अहिले ब्रोकरहरुको सेट्लमेन्ट ग्यारेण्टी फण्ड पनि छैन । कुनै एउटा ग्राहकले ठूलो फण्ड चलाएको अवस्थामा त सेटलमेन्ट नै हम्मे–हम्मे हुने गर्छ । नाम नखुलाइदिन आग्रह गर्दै अर्का एक ब्रोकरले भने–‘हामीले त दीपेन्द्रजस्ता खुलेआम गैरकानूनी कारोबार गर्नेलाई इन्ट्री नै दिन छोड्यौं । ब्यापार भयो भनेर के गर्ने, राफासाफ नै समस्यामा परेपछि ? फेरि उसका कारण कतिबेला फसिने हो भन्ने पनि ठेगान भएन ।’
दीपेन्द्र अग्रवालको गैरकानूनी कामका ब्रोकर हाउसबाट आएका यी सामान्य कथा मात्रै हुन् । एक ब्रोकरले उनकै कारण नेपालको पूँजीबजार जोखिममा आएको समेत दाबी गरे । उनले नियामक निकाय, ब्रोकर र सञ्चारमाध्यम सबैलाई थर्काएर पूँजीबजार धराशायी बनाउँदै खुलेआम सर्वसाधारण लुट्ने धन्दामा अग्रवालको संलग्नता रहे पनि नियामकहरु तै चूप मै चूप बनेका दाबी गरे ।
‘अहिले धितोपत्र बोर्डमा अध्यक्ष छैनन् । निमित्त अधिकार पाएकासँग उनलाई कारबाही गर्ने अधिकार छैन । केही काम गर्न परे बोर्ड बैठक नै बोलाउनु पर्छ । बोर्ड बैठक बोलाउँदा हप्तौ पनि लाग्ने गर्छ ।’–धितोपत्र स्रोतले भन्यो ।
नियामक कमजोर बनेको र चाहेर पनि तत्काल केही गर्न नसक्ने कुरा राम्रोसँग बुझेका अग्रवाल यही मौका छोपेर बजारमा जथाभावी गरिरहेका छन् । कारोबार समयमै निश्चित कम्पनी खरीद गर्न वा बिक्री गर्न खुलेआम आह्वान गर्ने गर्छन् ।
.gif)
(1).jpg)
.jpg)
(1).gif)
.gif)
