मुग्लिन–मलेखु सडक विस्तारका क्रममा सवारी आवागमन नरोकिने

काठमाण्डौ । मुग्लिन–मलेखु सडकको स्तरोन्नतीका क्रममा सवरी आवागमन नरोकिने भएको छ । मुग्लिनबाट मलेखुसम्म ३९ किलोमिटर सडक खण्डमा विस्तारको कामका क्रममा सडक सञ्चालन नरोकने भएको हो ।  

गत साता भने यस सडकखण्डमा सवारी आवागमन रोकेर स्तारोन्नतीका काम गरिएका थियो । यो खडकखण्डमा गत पुस ७ गतेदेखि १३ गतेसम्म सवारी रोकेर काम गरिएको थियो ।  

यो सडकखण्डमा सन् २०२२ को डिसेम्बरदेखि काम भई्रहेको छ । काम सुरु भएको २ वर्ष बितिसक्दा २० प्रतिशत काम सम्पन्न भएको छ । स्तरोन्नतीको काम ३ वर्षभित्र सक्नेगरी सम्झौता भएको छ । यतिबेला भित्तो काट्ने र नदीतर्फ पर्खाल लगाउने काम भइरहेको छ । कुरीनटार क्षेत्रमा कालोपत्रेका लागि बेस र सववेसको काम भइरहेको छ ।

यो सडकखण्ड विश्व बैंकको सहयोगमा निर्माण थालिएको हो । निर्माण कम्पनीले रु ४ अर्ब ८० करोडमा ठेक्का सम्झौता गरी काम गर्दै आएको छ ।