बिटक्वाइनपछि पाई नेटवर्क क्रिप्टोले मच्चाउँदैछ तहल्का, २४ घण्टामै १२% रिटर्न

काठमाण्डौ । पाई नेटवर्क क्रिप्टोकरेन्सीले पुनः उडान भर्न थालेको छ। पछिल्लो २४ घण्टामा यसमा १२ प्रतिशतको वृद्धि आएको छ। 

यद्यपि, यदि दुई दिनको रिटर्नको कुरा गर्ने हो भने, यो पछिल्लो २४ घण्टाको तुलनामा कम छ। केही दिनअघि यसमा ठूलो गिरावट आएको थियो। यस्तो अवस्थामा यस क्रिप्टोकरेन्सीमा लगानी गर्ने विषयमा प्रश्नहरू उठ्न थालेका थिए, तर अहिले आएको वृद्धिले पुनः लगानीकर्ताहरूमा आत्मविश्वास बढाएको छ।

हिजो अर्थात् मंगलवार दिउँसो २ः३० बजे यसको मूल्य करिब १.७५ डलर थियो। आज बुधवार दिउँसो २ः३० बजे यसको मूल्य १.९६ डलर पुगेको छ। यसरी हेर्दा, यसले केवल २४ घण्टामै लगानीकर्ताहरूलाई १२ प्रतिशतको रिटर्न दिएको छ। यो रिटर्न अन्य मुख्य क्रिप्टोकरेन्सीहरूका तुलनामा धेरै नै बढी हो।

यो क्रिप्टोकरेन्सी फेब्रुअरी २० मा लन्च गरिएको थियो। त्यसपछि यसको मूल्य अचानक घटेको थियो। २४ घण्टाभित्र नै यो आधाभन्दा धेरैले गिरावट आएको थियो, तर पछि पुनः यसमा वृद्धिको क्रम देखियो।

पाई नेटवर्क कोइन फेब्रुअरी २० मा १.८४ डलरमा लन्च भएको थियो। लन्चपछि यसको मूल्यमा गिरावट आउन थाल्यो। अर्को दिन, फेब्रुअरी २१ मा दिउँसो करिब १ः३० बजे यसको मूल्य घटेर ०.६४ डलर मात्र रह्यो। अहिलेसम्म यो यसको न्यूनतम मूल्य हो। त्यसपछि भने यसको मूल्य बिस्तारै बढ्न थाल्यो।

चार दिनमै गज्जब रिटर्न

लन्च भएको चार दिनभित्रै यसले लगानीकर्ताहरूलाई उत्कृष्ट फाइदा दियो। फेब्रुअरी २५ को राति १० बजे यसको मूल्य १.५९ डलर पुगेको थियो। यस्तो अवस्थामा, न्यूनतम मूल्यको तुलनामा चार दिनमा यसले करिब १४८ प्रतिशतको वृद्धि गरेको थियो।

पाई नेटवर्क कोइनको मूल्य हालै करिब ३ डलरसम्म पुगेको छ। फेब्रुअरी २७ को बिहान ८ः३० बजे यसको मूल्य २.९३ डलरमा पुगेको थियो, जुन अहिलेसम्मकै उच्चतम मूल्य हो। यद्यपि, त्यसपछि यसको मूल्य फेरि घट्न थाल्यो। हालसम्म, यसको मूल्य करिब ३५ प्रतिशतले घटिसकेको छ।

पाई नेटवर्क के हो ?

पाई नेटवर्क एक वेब थ्री ब्लकचेन परियोजना हो, जसले प्रयोगकर्ताहरूलाई आफ्नो स्मार्टफोनमा नै क्रिप्टोकरेन्सी माइनिङ गर्ने सुविधा दिन्छ। यसको स्थापना सन् २०१९ मा स्ट्यानफोर्डका पीएचडी निकोलस कोक्कलिस र चेंगदियाओ फ्यानले गरेका थिए। द्यष्लबलअभ, ऋयष्लम्ऋह्, इप्ह्, र द्यष्तनभत जस्ता प्रमुख एक्सचेन्जहरूमा पाई लिस्टिङ भएपछि प्रयोगकर्ताहरूले पहिलोपटक आफ्नो होल्डिङ बेच्न पाउने सुविधा पाए।

यही वर्ष १०० डलरसम्म पुग्नसक्ने अनुमान

धेरै विज्ञहरू पाई नेटवर्कलाई भविष्यको बिटकॉइनका रूपमा हेरिरहेका छन्। केही क्रिप्टो विश्लेषकहरूको विश्वासअनुसार, यदि यसको प्रयोग व्यापक रूपमा बढ्यो र ठूला एक्सचेन्जहरूले यसलाई लिस्ट गर्न थाले भने यसको मूल्यमा उल्लेखनीय वृद्धि हुनसक्छ। विज्ञहरूका अनुसार, यस वर्ष यसको मूल्य १०० डलरसम्म पुग्नसक्छ।

नोट: क्रिप्टोको संसार रोमाञ्चक तर अनिश्चितताले भरिएको छ। त्यसैले कुनै पनि क्रिप्टोकरेन्सीमा लगानी गर्नुअघि पूर्ण जानकारी प्राप्त गर्नु र सोचविचार गरेर निर्णय लिनु अत्यन्त जरुरी छ। अन्यथा, तपाईंको पैसा डुब्न सक्छ। नेपालमा क्रिप्टोमा लगानी गर्नु गैरकानूनी छ ।