२९.२४% ले घट्यो कुथेली बुखरीको नाफा, रिजर्भको आकारमा समेत गिरावट

काठमाण्डौ । कुथेली बुखरी स्मल हाइड्रोपावर लिमिटेडको नाफामा २९.२४ प्रतिशतको गिरावट आएको छ । कम्पनीले चालु आवको तेस्रो त्रैमाससम्म १ करोड १ लाख बढी खुद नाफा आर्जन गरेको छ । अघिल्लो आवमा भने कम्पनीले १ करोड ४२ लाख रुपैयाँ खुद नाफा कमाएको थियो ।  

कम्पनीको विद्युत बिक्री आम्दानीमार्फत २ करोड ७३ लाख रुपैयाँ आर्जन गरेको छ । यो रकम अघिल्लो आवको तुलनामा ५.१भ्३ प्रतिशतले कम हो । कम्पनीले अघिल्लो आवमा विद्युत बिक्रीमार्फत २ करोड ८८ लाख रुपैयाँ आर्जन गरेको थियो ।  

कम्पनीले यो अवधिसम्म ४९ लाख ६७ हजार रुपैयाँबराबरको प्रशासनिक खर्च र २५ लाख ७३ हजार वित्त खर्च गरेको छ । अघिल्लो आवमा १५ लाख ७३ हजार रुपैयाँबराबरको अन्य आम्दानी गरेको कम्पनीले समीक्षा अवधिसम्ममा ४ हजार मात्रै अन्य आम्दानी गरेको छ ।  

कम्पनीको चुक्तापूँजी १३ करोड ४० लाख रुपैयाँ छ भने रिजर्भको आकार ५ करोड ८ लाख रुपैयाँ रहेको छ । अघिल्लो आवमा भने रिजर्भको आकार ७ करोड ४० लाख रुपैयाँ रहेको थियो । कम्पनीको दीर्घकालिन कर्जा ३ करोड ४० लाख  रहेको छ । कम्पनीको कुल चालु सम्पत्ति १ करोड ३२ लाख र कुल चालु दायित्व ५ लाख ३ हजार रुपैयाँबराबर रहेको छ ।    

समीक्षा अवधिसम्म कम्पनीको प्रतिसेयर आम्दानी(ईपीएस)१०.०५ रुपैयाँ, प्रतिसेयर नेटवर्थ १३७.९७ रुपैयाँ,प्रतिसेयर कुल सम्पत्तिको मूल्य १६३.७० रुपैयाँ र मूल्य आम्दानी अनुपात २१७.८९ गुणा कायम भएको छ ।