(1).gif)
(2).gif)
.png)
.png)
काठमाण्डौ । उन्नति सहकार्य लघुवित्त वित्तीय संस्था लिमिटेडले गत आवको चौथो त्रैमाससम्ममा ५ करोड २४ लाख रुपैयाँ खुद नाफा आर्जन गरेको छ । अघिल्लो आवको सोही अवधिसम्म भने संस्था ९४ लाख ५९ हजार रुपैयाँमा घाटामा थियो ।
संस्थाले समीक्षा अवधिमा २७ करोड ४ लाख रुपैयाँ खुद ब्याज आम्दानी गरेको छ । यो रकम अघिल्लो आवको तुलनामा ५२.३७ प्रतिशतले बढी हो । संस्थाको खुद सञ्चालन आम्दानी २९ करोड ४५ लाख रुपैयाँ र सञ्चालन मुनाफा ७ करोड ४९ लाख रुपैयाँ रहेको छ ।
.gif)
यस्तै संस्थाको रिटेन्ड अर्निङ ८ करोड ७७ लाख रुपैयाँ र रिजर्भको आकार ११ करोड २ लाख रुपैयाँबराबर रहेको छ । १ अर्ब २० करोड रुपैयाँबराबरको निक्षेप संकलन गरेको संस्थाले ३ अर्ब ७६ करोड रुपैयाँबराबरको कर्जा प्रवाह गरेको छ ।
संस्थाले इम्पेयरमेन्ट चार्जका लागि १ करोड ९१ लाख रुपैयाँ छुट्टाएको छ । अघिल्लो आवमा भने संस्थाले इम्पेयरमेन्ट चार्जका लागि १ करोड ३० लाख रुपैयाँको व्यवस्था गरेको थियो । संस्थाको खराब कर्जा अनुपात ३.०३ प्रतिशतबाट बढेर ४.७३ प्रतिशत पुगेको छ ।
चौथो त्रैमाससम्म संस्थाको वितरणयोग्य मुनाफा ४ करोड ८ लाख रुपैयाँ रहेको छ ।
समीक्षा अवधिसम्म संस्थाको प्रतिसेयर आम्दानी २१.२४ रुपैयाँ,प्रतिसेयर नेटवर्थ १४८.२१ रुपैयाँ,प्रतिसेयर कुल सम्पत्तिको मूल्य १६४०.४५ रुपैयाँ,मूल्य आम्दानी अनुपात ८६.२१ गुणा र तरलता अनुपात ३.९३ गुणा कायम भएको छ ।
.png)
.jpg)
