.gif)
(1).gif)
(2).gif)
.jpg)
.gif)
.png)
काठमाण्डौ । स्वाभिमान लघुवित्त वित्तीय संस्था लिमिटेडले गत आवको चौथो त्रैमाससम्म ७ करोड २३ लाख रुपैयाँ खुद नाफा आर्जन गरेको छ । यो रकम अघिल्लो आवको सोही अवधिको तुलनामा ८१९.०४ प्रतिशतले बढी हो । अघिल्लो आवको सोही अवधिसम्म संस्थाले ७८ लाख ७२ हजार रुपैयाँ नाफा कमाएको थियो ।
यो अवधिमा संस्थाको खुद ब्याज आम्दानी ८६.४३ प्रतिशतले बढेको छ । चौथो त्रैमाससम्म संस्थाले २० करोड ५० लाख रुपैयाँ खुद ब्याज आम्दानी गरेको छ । संस्थाको खुद सञ्चालन आम्दानी २४ करोड ६८ लाख र सञ्चालन मुनाफा १० करोड ९४ लाख रुपैयाँ रहेको छ ।
संस्थाको रिटेन्ड अर्निङको आकार २ करोड ६ लाखबाट बढेर ६ करोड ३ लाख रुपैयाँ पुगेको छ । रिजर्भको कोषको आकार ४ करोड ८५ लाखबाट बढेर ७ करोड ३५ लाख पुगेको छ ।
संस्था खराब कर्जा अनुपात उल्लेख्य मात्रामा घटाउन सफल भएको छ । अघिल्लो आवको चौथो त्रैमाससम्म ७.३५ प्रतिशत रहेको खराब कर्जा अनुपात घटेर ४.२० प्रतिशतमा झरेको छ । संस्थाको इम्पेयरमेन्ट चार्ज १ करोड १० लाख रुपैयाँले रिभर्सल भएको छ ।
यो अवधिमा संस्थाको वितरणयोग्य मुनाफा ६ करोड ३ लाख रुपैयाँ र वितरणयोग्य प्रतिसेयर आम्दानी ३९.३२ रुपैयाँ रहेको छ ।
समीक्षा अवधिसम्म संस्थाको प्रतिसेयर आम्दानी(ईपीएस)४७.१५ रुपैयाँ , प्रतिसेयर नेटवर्थ १८७.२७ रुपैयाँ, प्रतिसेयर कुल सम्पत्तिको मूल्य २ हजार ३४.९० रुपैयाँ, मूल्य आम्दानी अनुपात ३८.६८ गुणा र तरलता अनुपात ११.८१ प्रतिशत कायम भएको छ ।
(2).gif)
.gif)
.png)
.png)
(254).jpg)
(217).jpg)
(231).jpg)
.jpg)
