.gif)
_(1).gif)
.png)
काठमाण्डौ । यो साता सेयर बजारमा ५ दिन कारोबार भयो । ५ दिनमा बजार ४ दिन घट्यो भने १ दिन मात्रै बढ्यो । अघिल्लो साता २०८०.८७ मा बन्द भएको बजार यो साता २०४८.८७ मा बन्द भयो । यस हिसावले यो साता सेयर बजारमा करिव ३२.३ अंकले गिरावट आयो । अघिल्लो साता बजारमा ५०.३२ अंकको बढोत्तरी आएको थियो ।
यो साता दोस्रो बजारमा ५ दिनको कारोबारमा १७.७१ अर्बबराबरको कारोबार भयो । अघिल्लो साता ४ दिनको कारोबारमा १५.६६ अर्बबराबरको कारोबार भएको थियो । यस हिसावले यो साता कारोबार बढ्यो भने सूचकमा गिरावट आयो । यो साता बजार पूँजीकरण ३२ खर्ब ४८ अर्ब पुग्यो । अघिल्लो साता बजार पूँजीकरण ३२.२७ अर्ब रुपैयाँ रहेको थियो । यस हिसावले यो साता बजार घटेता पनि दोस्रो बजारमा नयाँ कम्पनी तथा बोनस सेयरको सूचिकरणले २१ अर्बले बजार पूँजीकरण बढेको छ ।
प्राविधिक पक्षः
मुभिङग एभरेजको आधारमा
मुभिङ एभरेजलाई अर्को शब्दमा रोलिङग एभरेज वा रनिङ एभरेज पनि भनिन्छ । प्राविधिक विश्लेषणको यो विधि सेयर डेरिभेटिभ तथा विदेशी मूद्रा कारोबारमा उत्तिकै प्रयोगमा आउछ । मुभिङग एभरेज भनेको निश्चित तथ्यांकको एउटा औषत समूह बनाएर प्रस्तुत गरेको रेखालाई बुझिन्छ । विशेष गरि यस्तो तथ्यांक १०,२०, ४०,५० तथा २०० दिने बनाउने गरिन्छ । बजारमा छोटो समयको उत्तार चढाव हेर्न छोटो नै र लामो समयको उत्तार चढाव हेर्न लामो समयको तथ्यांकको समूह बनाएर औषत तथ्यांक बनाइन्छ । मुभिङग एभरेज खासगरि टेवा र अवरोध पत्ता लगाउन प्रयोग गरिन्छ । घट्दो बजारमा मूल्य रेखा मुभिङ एभरेजको रेखा भन्दा तल झर्छ भने बढ्दो बजारमा मूल्य रेखा मुभिङग एभरेजको रेखा भन्दा माथि रहने गर्छ । अर्थात बढ्दो बजारमा यसले टेवा र घट्दो बजारमा प्रतिरोधको काम गरेको हुन्छ । यो साता ५० दिने मुभिङग एभरेज भन्दा तल बजार खसेको छ । अर्थात बजार २०७० भन्दा तल खसेको छ । यसले बजार केही समय साइडवज चल्न सक्ने देखिन्छ । ( हेर्नुहोस माथि एरो )
.gif)
बोलिङगर ब्याण्ड , म्याक्डी र आरएसआई
साप्तहिक रुपमा बजारलाई बोलिङगर ब्याण्डको आधारमा नियाल्दा अघिल्लो २ साता लगातार बढेको बजार यो साता करेक्सन आएको छ । तर बजार मध्य ब्याण्ड भन्दा माथि नै चलेको छ । म्याक्डीमा बुलिस क्रसओभर रहेको छ भने हिस्टोग्राम सकारात्मक नै रहेको छ । आरएसआई न्युट्रल जोन ५२ को तहमा चलेको छ । समग्र तीन वटै इन्डिकेटरबाट नियाल्दा बजार माघ महिनामा अपर ब्याण्डमा छोएर तल खसेको बजारले हाल मध्य ब्याण्डमा सपोर्ट लिन सक्छ ।
पिभट विश्लेषण भनेको सेयर तथा डेरिभेटिभको अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकालिन्छ।
बढेमा प्रतिरोध
प्रतिरोध ३ –२२१७
प्रतिरोध २ –२१७०
प्रतिरोध १– २१४५
पिभट प्वइन्टः २०७९
घटेमा सपोर्ट
सपोर्ट १– २०३४
सपोर्ट २– १९८७
प्रतिरोध ३ –१९४२
निष्कर्षः अघिल्लो २ साता बढेको बजारमा यो साता करेक्सन आयो । यो साता बजार घट्दा कारोबार बढेको छ । यसले यो साता सामान्य रुपमा नाफा बुक भएको मान्न सकिन्छ । साप्ताहिक रुपमा बजार घटेता पनि सानो अंकले मात्रै बजार घटेको छ । अघिल्लो साता २०६० मा सपोर्ट लिएको बजार यो साता त्यो विन्द्ु भन्दा तल अर्थात ५० दिने मुभिङग एभरेज भन्दा तल खसेको छ । यस हिसावले यो साता बजारमा अल्पकालिन करेक्सन भएको देखिन्छ । यो साता घटेको बजार कहाँबाट सापोर्ट लिएर फर्कन सक्छ भनेर फिवनासी मार्फत नियाल्दा यदि ०.३८ प्रतिशतबाट फर्किन्छ भने २०३५ र ०.५ प्रतिशतको रिट्रेस्मेन्ट लिन्छ भने २०१५ सम्म हुन सक्छ । यो साता २०४८ मा बन्द भएको बजार यदि अधिक करेक्सन हुन्छ भने त्यो २०१५ सम्म हुन सक्छ ।
उप समूह अन्तगर्त हेर्दा बजारमा १३ वटा उप समूहमा यो साता पनि विकास बैंक , लघुवित्त र वित्त समूहमा लगतार तीन साता नै बढोत्तरी रह्यो । अरु १० वटा उपसमूहमा भने यो साता करेक्सन आयो ।
नोटः सेयर बजारमा लगानी जोखिमपूर्ण हुन्छ, यो विश्लेषण कारोबारका लागि सिफारिस भने होइन ।
.jpg)
.gif)
.gif)
.gif)
