केन्या संसदबाट नेपाली अवैतनिक वाणिज्यदूत टण्डनलाई विशेष सम्मान

काठमाण्डौ । नेपाल र केन्याबीच पछिल्ला वर्षमा तीव्र बनेको कूटनीतिक तथा आर्थिक सहकार्यलाई अझ मजबुत बनाउने क्रममै, नेपालका लागि केन्याका अवैतनिक वाणिज्यदूत चन्द्र टण्डन केन्या संसदमा विशेष सम्मानका साथ स्वागत भएका छन्। संसदका सभापतिले टण्डन नेतृत्वको टोलीलाई औपचारिक रूपमा अभिवादन गर्दै दुई देशबीचको साझेदारी भविष्यमा अझै परिणाममुखी हुने विश्वास प्रकट गरेकी थिइन्।

२०२५ जुन महिनामा केन्याका उच्चायुक्तको उपस्थितिमा उद्घाटन गरिएको नेपाली कन्सुलेट कार्यालयले छोटो अवधिमै प्रभाव जमाउन सफल हुँदा, संसदबाट प्राप्त सार्वजनिक प्रशंसाले कन्सुलेटको प्रतिष्ठा थप उचो बनाएको देखिन्छ। यसले नैरोबीले नेपाली हितमा टण्डनको भूमिका अझ सक्रिय रूपमा उपयोग गर्न चाहने संकेत पनि दिएको छ।

नेपालको व्यापार तथा आर्थिक क्षेत्रसँग गहिरो सरोकार राख्ने टण्डनले केन्याली उत्पादनहरूका लागि नयाँ बजार पहुँच निर्माण गर्न निरन्तर पहल गर्दै आएका छन्। पूर्वी अफ्रिकी सामान र नेपाली उपभोक्ता बजारबीच जोडिएको यो प्रत्यक्ष व्यापारिक पुलले दुई देशबीचको व्यावसायिक सम्बन्धलाई नयाँ दिशातर्फ उन्मुख गराएको छ।

रेमिट्यान्स क्षेत्रका अनुभवी व्यक्तित्वका रूपमा टण्डनले नेपालमा रहेका थोरै तर विस्तारोन्मुख केन्याली समुदायलाई प्रभावकारी कन्सुलर सेवा उपलब्ध गराइरहेका छन्। यसले व्यक्ति–व्यक्ति स्तरमै सम्बन्ध सुदृढ गर्दै कूटनीतिक सहकार्यलाई व्यवहारिक बनाइदिएको छ।

यसैबीच, नैरोबी–काठमाडौंबीच बढ्दो कूटनीतिक चहलपहलको पृष्ठभूमिमा केन्या संसदले टण्डनको भूमिकालाई औपचारिक प्रशंसा गरेको खबर सार्वजनिक भएपछि दुई देशबीचको मित्रता नयाँ उचाईतर्फ अघि बढिरहेको संकेत मिळेको छ।