गुहेश्वरी मर्चेन्ट बैंकिङको सीईओमा अधिकारी नियुक्त

काठमाण्डौ । गुहेश्वरी मर्चेन्ट बैंकिङ एण्ड फाइनान्स लिमिटेडका प्रमुख कार्यकारी अधिकृत(सीईओ)मा जलज कुमार अधिकारी नियुक्त भएका छन् । फागुन ९ गते बसेको कम्पनीको सञ्चालक समितिको बैठकले अधिकारीलाई सीईओ नियुक्त गर्ने निर्णय गरेको हो ।

उनलाई फागुन ११ गतेबाट लागू हुनेगरी उक्त जिम्मेवारी प्रदान गरिएको कम्पनीले जनाएको छ । यसअघिका कम्पनीका सीईओ तोयराज अधिकारीले राजीनामा दिएपछि कम्पनीको सीईओ पद रिक्त थियो ।

माघ २ गते बसेको कम्पनीको सञ्चालक समितिको बैठकले तोयराज अधिकारीको राजीनामा स्वीकृत गरेको थियो ।

बैठकले कम्पनीकी सहायक महाप्रबन्धक अर्चना प्रधानलाई कम्पनीको कामु सीईओको जिम्मेवारी प्रदान गरेको थियो ।