.gif)
_(1).gif)
.jpg)
.png)
काठमाण्डौ । सगरमाथा लुम्बिनी इन्स्योरेन्स(सलिको)को सेयरबजारमा लगानी ४९.९४ प्रतिशतले बढेको छ । कम्पनीले गत आर्थिक वर्षमा विभिन्न कम्पनीको सेयर तथा म्युचुअल फण्डको इकाईमा कुल ३९ करोड ७८ लाख रुपैयाँ लगानी गरेको छ ।
अघिल्लो आर्थिक वर्षमा भने कम्पनीले बैंक तथा वित्तीय संस्था, बीमा कम्पनी, हाइड्रोपावर कम्पनी र म्युचुअल फण्डको इकाईमा २६ करोड ५३ लाख रुपैयाँ लगानी गरेको थियो ।
आव २०७९÷८० मा कम्पनीले बैंक तथा वित्तीय संस्था, बीमा कम्पनी, हाइड्रोपावर र लगानी कम्पनी गरी कुल ५२ वटा कम्पनीको सेयरमा ३३ करोड ६८ लाख ९९ हजार रुपैयाँ लगानी गरेको छ । यो लगानी आव २०७८÷७९ को तुलनामा ६०।५५ प्रतितशले बढी हो ।
उक्त आवमा भने कम्पनीले २८ वटा कम्पनीको सेयरमा कुल २० करोड ९८ लाख ३७ हजार रुपैयाँ लगानी गरेको थियो ।
गत आवमा कम्पनीले सर्वाधिक शाईन रेसुङ्गा डेभलपमेन्ट बैंकको सेयरमा लगानी गरेको छ । कम्पनीले सो बैंकको सेयरमा मात्रै ५ करोड ७३ लाख रुपैयाँ लगानी गरेको छ । यो लगानी कुल लगानीको १७ प्रतिशत रकम हो ।
कम्पनीले शाईन रेसुङ्खा डेभलपमेन्ट बैंकको सेयरमा ४७।५३ प्रतिशत लगानी थपेको छ । आव २०७८÷७९ मा कम्पनीले उक्त बैंकको सेयरमा ३ करोड ८८ लाख रुपैयाँ लगानी गरेको थियो ।
कुन समूहमा कति लगानी ?
सलिकोले गत आवमा ९ वटा वाणिज्य बैंकको सेयरमा कुल ६ करोड ५१ लाख रुपैयाँ लगानी गरेको छ । जुन यो अघिल्लो आवको तुलनामा २४३.७७ प्रतिशतले बढी हो । सो आवमा कम्पनीले ७ वटा कमर्सियल बैंकको सेयरमा १ करोड ५९ लाख रुपैयाँ लगानी गरेको थियो ।
त्यस्तै, कम्पनीले गत आवमा तीनवटा विकास बैंकको सेयरमा कुल ५ करोड ८२ लाख रुपैयाँ लगानी गरेको छ । यो लगानी अघिल्लो आवको तुलनामा ४९।९५ प्रतिशतले बढी हो । अघिल्लो आवमा कम्पनीले दुईवटा विकास बैंकको सेयरमा ३ करोड ८८ लाख रुपैयाँ लगानी गरेको थियो ।
(1).gif)
यता कम्पनीले फाइनान्स कम्पनीहरुको सेयरमा लगानी समेत ७८.९८ प्रतिशतले बढाएको छ । आव २०७८÷७९ मा कम्पनीले ४ वटा वित्त कम्पनीका सेयरमा २ करोड ३८ लाख रुपैयाँ लगानी गरेकोमा गत आवमा ६ वटा फाइनान्सका सेयरमा ४ करोड २६ लाख रुपैयाँ लगानी गरेको छ ।
सलिकोले लघुवित्त वित्तीय संस्थाका सेयरमा भने लगानी घटाएको छ । अघिल्लो आवमा ६ वटा वित्तीय संस्थाका सेयरमा कुल ५ करोड ९५ लाख रुपैयाँ लगानी गरेकोमा गत आवमा ३.९९ प्रतिशतले लगानी घटाएर ५ करोड ७१ लाख रुपैयाँ मात्रै लगानी गरेको छ ।
बीमा समूहतर्फ भने कम्पनीले गत आवमा जम्मा चारवटा जीवन बीमा कम्पनीको सेयरमा मात्रै लगानी गरेको छ । गत आवमा कम्पनीले नेपाल लाइफसहित ४ जीवन बीमा कम्पनीको सेयरमा कुल १ करोड ५२ लाख रुपैयाँ लगानी गरेको छ । यो लगानी अघिल्लो आवको तुलनामा १९५.६३ प्रतिशतले बढी हो । अघिल्लो आवमा कम्पनीले दुईवटा जीवन बीमा कम्पनीको सेयरमा मात्रै ५१ लाख ६८ हजार रुपैयाँ लगानी गरेको थियो ।
संख्याका आधारमा कम्पनीले सर्वाधिक हाइड्रोपावर कम्पनीका सेयरमा लगानी गरेको छ । गत आवमा १६ वटा हाइड्रो कम्पनीका सेयरमा ५ करोड ८५ लाख रुपैयाँ लगानी गरेको छ । यो लगानी अघिल्लो आवको तुलनामा ११६.५७ प्रतिशतले बढी हो । अघिल्लो आवमा कम्पनीले तीनवटा हाइड्रो कम्पनीका सेयरमा २ करोड ७० लाख रुपैयाँ लगानी गरेको थियो ।
कम्पनीले लगानी समूहअन्तर्गत तीनवटा कम्पनीको सेयरमा २ करोड ११ लाख रुपैयाँ लगानी गरेको छ । यो लगानी पनि अघिल्लो आवको तुलनामा १७.९८ प्रतिशतले बढी हो । अघिल्लो आवमा कम्पनीले लगानी समूहका कम्पनीहरुमा १ करोड ७९ लााख रुपैयाँ लगानी गरेको थियो ।
म्युचुअल फण्डको इकाईमा ६ करोड लगानी
कम्पनीले गत आवमा कुल १६ वटा म्युचुअल फण्डको इकाईमा ६ करोड ९ लाख रुपैयाँ लगानी गरेको छ । यो लगानी अघिल्लो आवको तुलनामा ९.८१ प्रतिशतले बढी हो । अघिल्लो आवमा कम्पनीले १३ वटा फण्डको इकाईमा ५ करोड ५५ लाख रुपैयाँ लगानी गरेको थियो ।
कम्पनीले सर्वाधिक सानिमा इक्विटी फण्डको इकाईमा लगानी गरेको छ । उक्त फण्डमा मात्रै सलिकोले १ करोड १९ लाख रुपैयाँ लगानी गरेको छ । जुन यो फण्डहरुको इकाईमा मात्रै गरेको कुल लगानीको १९.५४ प्रतिशत रकम हो ।
अघिल्लो आवमा कम्पनीले सानिमा इक्विटी फण्डको इकाईमा कुल १ करोड २८ लाख रुपैयाँ लगानी गरेको थियो ।
.gif)
.png)
.jpg)
.jpg)
.gif)
.gif)
