.gif)
_(1).gif)
.png)
काठमाण्डौ । समस्याग्रस्त नेपाल सेयर मार्केटस् एन्ड फाइनान्स लिमिटेडको व्यवस्थापन समूहको संयोजक पदको अन्तिम नतिजा सार्वजनिक भएको छ । सार्वजनिक नतिजा अनुसार ५ जना उम्मेदवारमध्ये रोशन कुमार अधिकारी मुख्य उम्मेदवारका रुपमा छनौट भएका छन् ।
नेपाल राष्ट्र बैंकको सुपरिवेक्षण विभागको छनौट समितिको सचिवालयले संयोजनका लागि प्रथमपटक फागुन १४ गते र दोस्रोपटक चैत ७ गते दरखास्त आह्वान आवेदन मा गरेको थियो । उक्त सूचनाका आधारमा दरखास्त फाराममध्ये ५ जना उम्मेदवारले पेश गरेको दरखास्त फाराम स्वीकृत भएको थियो ।
(1).gif)
दरखास्त फाराम स्वीकृत हुने उम्मेदवारमा प्रकाश घिमिरे,तारानाथ पाण्डे,पिताम्बर सापकोटा,रोशन कुमार अधिकारी र गोबिन्द प्रसाल शर्मा रहेका थिए । दरखास्त फाराम पेश गरी तोकिएको परीक्षामा सहभागी भएका उम्मेदवारहरुले प्राप्त गरेको अन्तिम कुल अंकको आधारमा योग्यता क्रम निर्धारण गरी मुख्य उम्मेदवार र वैकल्पिक उम्मेदवार छनौट गरिएको छ । छनौट हुने मुख्य उम्मेदवारमा रोशन कुमार अधिकारी रहेका छन् ।
त्यस्तै वैकल्पिक उम्मेदवारमा प्रकाश घिमिरे र गोविन्द प्रसाद शर्मा रहेका छन् । छनौटमा परेका मुख्य उम्मेदवार रोशन कुमार अधिकारीलाई नेपाल राष्ट्र बैंकको वित्तीय तथा सुपरीवेक्षण विभागमा सम्पर्क राखि नियुक्ती लिन सूचित गरिएको छ । तोकिएको मितिभित्र सम्पर्कमा नआएमा योग्यता क्रम अनुसारका वैकल्पिक उम्मेदवारलाई नियुक्त गरिने विभागले जनाएको छ ।
प्रकाश घिमिरे र तारानाथ पाण्डेलाई चैत २१ गते बुधबार बेलुका ५ः३० बजे व्यावसायिक कार्ययोजना पेश गर्न बोलाइएको छ । त्यस्तै, पिताम्बर सापकोटा र रोशनकुमार अधिकारीलाई चैत २२ गते बेलुका ५ः३० बजे र गोविन्दप्रसाद शर्मालाई चैत २३ गते दिउँसो २ बजे कार्यायोजना प्रस्तुत गर्न बोलाइएको छ ।
.gif)
.png)
.png)
(86).jpg)
.jpg)
.jpg)
.gif)
.gif)
