.gif)
(2).gif)
_(1).gif)
.png)
काठमाण्डौ । संसारका धेरै ठाँउमा पर्यटकलाई पाहुनाका रुपमा सम्मान गरिन्छ । देशको आर्थिक समृद्धिमा पर्यटन क्षेत्रले विशेष महत्व राख्ने भएकाले पर्यटकहरुको आतिथ्यतामा विशेष ध्यान दिइने गरिन्छ ।
तर स्पेनमा भने पर्यटकको संख्या धेरै भएको भन्दै आन्दोलन भएको छ । स्पेनको क्यानअरी आईल्याण्डका स्थानियले पर्यटकको संख्या धेरै भएको र यसले आफ्नै घरबाट बेदखल गरेका, महँगी बढेको र वातावरणमा असर परेको भन्दै भोक हड्ताल बसेका छन् । अफ्रिकाको पश्चिम सामुन्द्रिक तटमा रहेको स्पेनको यो टापु वर्षभरी एकनाशको तापमान हुने भएकाले पर्यटकहरुका लागि बिदा मनाउने चर्चित गन्तव्यको रुपमा रहेको छ ।
.gif)
तर बितेको एक दशकमा भने यो टापुमा ११.५ मिलियन पर्यटकबाट वर्षेनी १६ मिलियन पर्यटक भित्रिरहेका छन् । क्यानारियस से अगोटा नामक एक समूहले पर्यटकहरुबाट भईरहेको वातावरणको दोहनलाई रोक्न समर्थकहरुलाई भोक हड्ताल गर्न आह्वान गरेको छ । यसका साथे उक्त समूहले मानव साङलो बनाएर अभियानलाई समर्थन गर्न आह्वान गरेको छ ।
यस्तै अर्को स्थानिय संरक्षण समूहले पनि अप्रिल २० मा हड्ताल गर्ने तयारी गरेको छ । अन्य पर्यावरण समूहहरुले पनि विभिन्न कार्यक्रमहरु आयोजना गरिरहेका छन् ।
पर्यटकहरुको अत्यधिक चापका कारण स्थानियहरुले महंगो मूल्यमा हाउजिङको सुविधा लिनुपरिरहेको आरोप लगाएका छन् । यस्तै उनीहरुले पर्यटकहको अव्यवस्थित आगमनले पानीको कमी समेत सिर्जना भईरहेको बताएका छन् । स्वीमिङ पुल र गल्फ कोर्सहरुले ठूलो परिणाममा पानीको उपयोग गर्ने भएकाले स्थानियलाई पानीको अभाव हुने गरेको आरोप लगाइएको छ ।
.png)
.jpg)
.jpg)
.jpg)
(1).gif)
.gif)
