सोमालियाली समुद्री लुटेराहरूले अपहरण गरे तेल ट्यांकर

काठमाण्डौ । सोमालियाली समुद्री लुटेराहरूले यमनको तट नजिकै एक तेल ट्यांकर अपहरण गरेका छन्। सोमालियाका सुरक्षा अधिकारीहरूका अनुसार उक्त घटना हालैको समुद्री सुरक्षासम्बन्धी चिन्ताजनक घटनाको निरन्तरता हो।

यमनको कोस्ट गार्डले एमटी युरिका नामक ट्यांकर अपहरण गरी सोमालिया तर्फ लगिएको जनाएको छ। सुरक्षा अधिकारीहरूका अनुसार उक्त जहाज पश्चिम अफ्रिकी राष्ट्र टोगोको झण्डा लिएर सञ्चालन भइरहेको थियो।

ट्यांकरमाथि आक्रमण अदनको खाडीस्थित काना बन्दरगाह नजिकै गरिएको जनाइएको छ। आक्रमणकारीहरू सोमालियाको उत्तरी तटीय क्षेत्र कन्दाला आसपासबाट आएको बताइएको छ।

यो घटनासँगै पछिल्ला १० दिनभित्र यस क्षेत्रमा तेल ट्यांकर अपहरणको दोस्रो घटना भएको छ। यसअघि अप्रिल २२ मा पनि ‘ओनर २५’ नामक ट्यांकर समुद्री लुटेराहरूको नियन्त्रणमा परेको थियो।